Portalada » Archivos por categoria » Redoladas » Baixo Martin
Europa advierte sobre a necesidat de cumplir as Directivas marco en o caso de l’entibo de l’Alcherez

Europa advierte sobre a necesidat de cumplir as Directivas marco en o caso de l’entibo de l’Alcherez

CHA ha tresladau a la Comisión Europea una iniciativa ta conoixer a suya posición respective a o prochecto de construcción d’un entibo en o río Alcherez. Dende a Comisión Europea, en respuesta escrita, se sinyala que se desconoixe iste prochecto pero que, de qualsiquier traza, debe complir as condicions establidas en a Directiva sobre habitats […]

CHA demanda a declaración de zona catastrofica t’os lugars afectaus por as creixidas d’o Martín

Entre que encara se son evaluando as esferras feitas por as creixidas d’os ríos Martín, Seco y Armiellas, a Colla Parlamentaria de Chunta Aragonesista (CHA) han rechistrau tres iniciativas parlamentarias ta que se declare toda la redolada “zona catastrofica”, ta que se den as aduyas que pertoquen t’os lugars más afectaus y ta que se faigan explicacions d’a magnitut y posibles causas d’a esferra.

Contina leyendo …

As plevias que cayoron iste sabado en o Baixo Aragón facioron creixer y rebutir d’o suyo cauz cutiano los ríos Seco (por un regular sin augua) y Martín en un petén y fer toda mena d’esferras por astí a on que pasoron as auguas suyas. Puents, casas, autos, … as perdas son estadas prous grans en lugars como Oliet u La Foz de la Viella, a on que tamién rebutió l’Armiellas. Nueu lugars Oliet, Arinyo, Albalat, Ixar, La Puebla d’Ixar, Urreya de Gayén, Sant Per de Calanda, Exatiel y Casterló- son antimás con problemas d’augua corrient, en estricallar-se una d’a tuberías que la i portiaba.

Contina leyendo …

Albalat de l’Arcebispe, Alcorisa, Andorra, Ixar, La Puebla d’Ixar,Sant Per de Calanda y Urreya de Gayén facioron en a meya nueit d’o chueves a suya tradicional “rompida” a on que o silencio se torna un furo estrapalucio en plegar as dotze d’a nueit. Calanda lo ha feito iste viernes de meyodiyas con a firme presencia de turistas y visitants. Alcanyiz ye l’unico lugar d’a Ruta d’o Tambor y o Bombo que no tien ista tradición, encara que por as suyas carreras ya se pueden sentir os toques que se prolargarán dica o sabado.

Contina leyendo …

O Ministerio d’Agricultura, Alimentación y Meyo ambient, a traviés d’o Fundo Espanyol de Guarancia Alimentaria (FEGA) ha encetau a segunda fase d’o plan d’aduya alimentaria a las personas que más les cale. A traviés d’o Banco de Virolla y Cruz Roya se son espardindo más de 52.000 kilos de virolla en a provincia de Teruel.

Contina leyendo …

O cartel d’a Semana Santa d’a Ruta d’o Tambor y o Bombo baixoaragonesa se tornará a decidir, por novena anyada, por concurso. En ista edición, as bases son as mesmas, encara que o numer de premiaus se reduz pasando d’os tres d’anteriors anyadas a nomás uno, qui recibirá un premio de 800 euros.

Contina leyendo …
Un convenio entre o gubierno estatal y l’aragonés dará 30 millons d’euros ta Teruel

Dimpués d’a error que ha deixau difuera o Fondo d’Inversions de Teruel en os Presupuestos Chenerals de l’Estau, o gubierno espanyol, meyant o Ministerio de Ficienda, ha anunciau a sinya d’un convenio de colaboración anyal entre l’Administración Cheneral de l’Estau y a Diputación Cheneral d’Aragón, que compromete dica 30 millons d’euros. O gubierno espanyol se […]

Contina leyendo …

En o cabo d’anyo de l’accident a on que morioron seis treballadors d’a brigada helitransportada d’Alcorisa, s’han organizau bells actos ta remerar-los. L’acto principal s’han celebrau en o puesto a on que o helicoptero se’n fue ta tierra. Astí se han chuntau as autoridatz, con a presencia d’o conseller de Agricultura, Ganadería y Meyo Ambient, Modesto Lobón y a presidenta d’a Diputación Provincial de Teruel, Carmen Pobo con a parentalla y companyers de treballo de os treballadors muertos.

Contina leyendo …

Azaila, lugar a poco más de 30 minutos de Zaragoza, ye en istos diyas parando a celebración o diya 24 de setiembre d’a VII chornada ibera Sedeiske. En as suyas seis edicions anteriors mas de 1000 visitants bi fuoron a pasar o diya y participoron en as diferents actividatz y tallers.

Contina leyendo …

Ya ye ubierta a inscripción de produccións audiovisuals ta o Festifal, o festival de cine d’o Baixo Martín, centrau en produccions de tematica rural. Os triballos pueden ninviar-se a o concurso dica l’1 d’octubre, y pueden estar produccións de ficción u documentals. As bases ta presentar as peliculas ya son penchadas en o web d’o […]

Contina leyendo …