Portalada » Archivos por categoria » Redoladas » Comunidat de Teruel (Page 2)
Teruel aculle o III Certamen de Composición de Mosica Popular Aragonesa

A ciudat de Teruel acullirá o venient mes de setiembre, coincidindo con as Fiestas d’a Magra, o III Certamen Nacional de Composición de Mosica Popular Aragonesa Comarca Comunidat de Teruel. Se tracta d’un concurso que organiza l’Asociación Gaiteros de Aragón “Con- Partita” con a colaboración d’o Concello, a Comarca y a Diputación Provincial.

Contina leyendo …

As Bodas d’Isabel de Segura de 2014 plegan un anyo más ta fer de Teruel una ciudat ambientada de tot en o medievo. Iste lunes s’ha presentau a programación d’ista edición d’as fiestas, que prencipiarán o venient 20 de febrer, quan se monten os puestos y haymas que emplirán Teruel tot lo cabo de semana.

Contina leyendo …
Archivau o caso por l’escrache a la casa de Santiago Lanzuela

O chuzgau d’Instrucción numer 2 de Teruel ha archivau as dilichencias ubiertas por l’escrache feito en Cella (Comunidat de Teruel) a la casa que i tien Santiago Lanzuela, diputau d’o PP en o congreso espanyol y expresident d’o país, en considerar que os feitos no estioron “constitutivos de garra infracción penal”.

Contina leyendo …
O concello de Teruel presienta o programa d’ocio alternativo ta chovens

O programa “O tuyo Ocio Alternativo” t’o primer trimestre de 2014 prencipia con nueva actividatz antimás d’as ya cutianas, con l’obchectivo de plegar en un mayor numer de chovens. Asinas lo ha explicau Sara Hernández, concellera de Choventut d’o Concello de Teruel, qui ha presentau o programa, destacando que totz os cursos y tallers programaus se gosan de plenar, con 20 u 25 participants en cadagún.

Contina leyendo …
O Certamen Internacional Fotografico Villa d’Andorra visita Teruel

Iste chueves a las 20 h se ferá a devantadera d’a XI edición d’o Certamen Internacional de Fotografía Villa d’Andorra, en a sala d’exposicions de l’edificio de Bellas Artes d’a Ciudat Universitaria de Teruel. A exposición continará podendo-se visitar dica o venient 17 de chenero.

Contina leyendo …
A popular Sant Silvestre de Teruel fa a suya XXIII edición

O venient 31 d’aviento se ferá a XXIII Sant Silvestre en Teruel, un evento que cada anyada arrocla a más participants, y que en ista edición contina con as novedatz que bi habió l’anyada pasada ta que más chent pueda participar-ie.

Contina leyendo …
O concello de Teruel gana o premio “Ciudat Sostenible” por a suya eficiencia enerchetica

O concello de Teruel ha resultau ganador d’o premio Ciudat Sostenible en a categoría de Eficiencia enerchetica por o suyo prochecto de achuste d’o suministro d’enerchía, chestión enerchetica y mantenimiento d’os edificios incluyius en o centro consumidor d’enerchía d’o Concello. Iste premio ye dau por a “Fundació Fòrum Ambiental”, una “entidat sin animo de lucro que tien como principal obchectivo creyar una plataforma de dialogo y colaboración entre as interpresas, as administracions y a resta d’a sociedat, ta conseguir y aplicar de conchunta un modelo de desembolique más sostenible que no l’actual.

Contina leyendo …
Descubren en Teruel repuis fosils d’una loira terrestre de fa 9 millons d’anyos

O chacimiento mioceno d’a Roma 2 (con una antiguidat d’uns 9 millons d’anyos), situau en o termin municipal d’Alfambra (Teruel), se ye excavando y investigando por un equipo de paleontologos d’a Fundación Conchunto Paleontolochico de Teruel-Dinopolis y d’o Museu Nacional de Sciencias Naturals-CSIC dende l’anyo 2005. Ditas excavacions han proporcionau dende o suyo empecipie un […]

Contina leyendo …

O chuez d’o Chuzgau d’Instrucción numer 2 de Teruel ha imputau a Juan Brovia, un d’os portavoces d’a Plataforma Stop Desahucios (Atura os esfuizamientos), por a manifestación feita en Cella o 14 d’abril, amán d’a casa que tien o diputau d’o PP Santiago Lanzuela.

Contina leyendo …
Dinópolis amuestra fosils orichinals d’o Tastavinsaurus sanzi

Dende iste chueves Dinópolis ye amostrando t’o publico por primer vegada, nuevos repuis fosils orichinals d’o dinosaurio Tastavinsaurus sanzi, que se adhiben temporalment t’a vitrina “Museu Aragonés de Paleontolochía”, a la fin d’o Museu Paleontolochico de Dinopolis (Teruel). Se i amuestra radio y o piet completo d’iste sauropodo d’o Cretacico.

Contina leyendo …