Portalada » Archivos por categoria » Sociedat (Page 4)
O nuevo autobús de donacions d’o Banco de Sangre y Teixius d’Aragón sale t’a carrera

O maitin d’iste lunes s’ha feito a devantadera y s’ha meso en marcha o nuevo autobús de donacions d’o Banco de Sangre, que s’aturau en a Plaza d’a Convivencia de Zaragoza, debant d’a presencia de qualques autoridatz.

Contina leyendo …
Marea Verda empenta a unir-se ta esfender a Educación Publica

O pasau 10 de setiembre rancó un nuevo curso escolar en Aragón, un curso marcau por a LOMCE y una lista interminable de “incidencias” que levan tiempo “arrocegando-se”. Manimenos, seguntes a Consellería d’Educación, “somos debant d’un prencipio de curso muit tranquilo, tot funciona perfectament y totz son muit contentos”.

Contina leyendo …
Recullida de fundos ta una placa nueva en o Puerto Viello de Bielsa

Mientras a primera semana d’agosto apareixió estricallada a placa dedicada a la población civil que habio de fuyir enta Francia mientras a Guerra Civil y a la 43º división republicana en o Puerto Viello de Bielsa.

Contina leyendo …
Deteniu un d’os presuntos autors d’a zaguer agresión faixista en Zaragoza

A policía espanyola ha deteniu iste lunes a una persona por a suya participación en l’agresión faixista que bi habió lo pasau 26 d’agosto en una terraza d’o Paseyo Constitución de Zaragoza. O deteniu, qui responde a las siglas I.M.G.C. s’ha deixau a disposición chudicial iste martes.

Contina leyendo …
Nueva agresión neonazi en Zaragoza

En a tarde d’o martes tres neonazis agredioron a un choven que se trobaba en una terraza d’o Paseo d’a Constitución de Zaragoza.

Contina leyendo …
“Nos tocan a una, nos tocan a todas”: concentración ista tarde en Zaragoza

L’Asambleya Feminista de Zaragoza ha convocau a concentración “Garra agresión sin respuesta” ta ista tarde, diya 26 d’agosto, a las 20 horas en a Plaza d’Espanya de Zaragoza ta mostrar o suyo refus a la sentencia d’a chudeza seguntes a qual l’acusación de violación a la muller de Málaga sería falsa ya que as relacións habrían estau consentidas.

Contina leyendo …
O casco antigo de Zaragoza aculle una preba d’orientación ta totz os publicos

O Plan Integral d’o Casco Historico ha programau ta iste cabo de semana una actividat esportiva de baldes y ta todas las edatz d’orientación de nueitz. “Enganchados al Deporte” torna t’o Casco Historico ta ufrir un reto que, en parolas d’os organizadors, no cal estar especialment presto, nomás ganas de pasar-lo bien y conoixer fundo totz os cabos d’o Casco.

Contina leyendo …
As movilizacions d’os treballadors d’AUZSA no prencipiarán dica octubre

As aturadas parcials que os treballadors d’AUZSA heban anunciau que ferían dende setiembre, prencipiarían, si calese, en o mes d’octubre. Asinas lo ha aprebau por unanimidat o comité d’interpresa en una reunión ordinaria, a on que tamién han decidiu continar con os contactos con partius politicos y organizacions socials y sindicals.

Contina leyendo …
As bieras artesanas se trobarán iste cabo de semana en o III Birragoza

O festival de bieras artesanas de Zaragoza “Birragoza” se celebra ista semana, esdevenindo ya una d’as citas que no cal ixublidar garra verano t’os amants d’a biera. Más de vinte “bierers” amostrarán as suyas obras en os stands que acullirá a Plaza d’o Centro d’historias de Zaragoza os diyas 22 y 23 d’agosto.

Contina leyendo …
Os treballadors denuncian a la interpresa AUZSA

O comité d’interpresa d’Autobuses Urbanos de Zaragoza (AUZSA), ha meso una denuncia debant d’a Inspección de treballo contra la interpresa AUZSA. Dimpués de que se forachitase a una conductora o diya 4 de chulio, en pleno ordinario de comité d’interpresa, s’aprebó meter una pancarta denunciando lo feito, penchada en as paretz d’as seccions sindicals en as cocheras AUZSA, sin afectar a lo transito de treballadors, ni autobuses.

Contina leyendo …