Secreto de sumario t’o caso d’a muller trobada muerta en Benavarri

A muller no tornó ta casa o lunes pasau y, horas dimpués d'a denuncia, se trobó o cuerpo sin vida a las afueras d'ista localidat altoaragonesa

Benavarri

Benavarri. Foto: Biquipedia

A Guardia Civil de Benavarri ha trobau o calavre d’una muller de meyana edat en as afueras d’a localidat uescana. Un caso que ha quedau en as mans d’o chudgau d’Instrucción numero 2 de Balbastro, o qual ha decretau o secreto de sumario dica que se puedan esclarir totz os cabos d’o caso.

O cuerpo sin vida d’ista muller estió localizau a zaguera hora d’o pasau lunes dimpués de que os suyos familiars dasen a voz d’alarma y comunicasen que no heba tornau ta casa. Horas dimpués, os achents de l’Instituto Armau trobaban a la muller a las afueras d’a localidat. Plegau o meyo diya d’o martes, o chuez encargau d’o caso ordenaba o devantamiento d’o calavre y prencipiaban as primeras pesquisas ta resolver todas as incognitas.

Por agora, tal como informa Europa Press citando fuents d’a Guardia Civil, no se descarta garra hipotesi, mesmo a d’un accident. O cuerpo permanenixe en dependencias de l’Hespital Provincial de Uesca a on se le ha practicau l’autopsia y, nomás ha trascendiu que a muller presentaba un fuerte truco en a cabeza.

Fuent: http://www.aragon2.net/n-20739-2-Secreto_sumario_para_caso_mujer_hallada_muerta_Benabarre

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.