Segundo triumfo d’Helios en a Primera femenina de tenis de mesa

O CAI Santiago cullió una victoria y una redota en tierras cherundenses.

L'equipo femenino d'o CN Helios en a suya trobada contra o Calella. (Foto: Comunicación Tenis de Mesa)

En a Primera División femenina, o CN Helios aconsiguió a suya segunda victoria de l’anyada, dimpués d’imposar-se por un achustau 4-3 a o Calella, a o que d’ista traza superan en a debantzaguera plaza d’a clasificación. As aragonesas Estela Valer, Ainhoa Antúnez y Laura Ciriano sumón un punto cadaguna, mientras que istas dos zagueras decantón a balanza en o dobles (3-1) ta meter definitivo 4-3 en o marcador global.

D’atra man, l’equipo femenino d’o CAI Santiago cullió una victoria y una redota en o suyo desplazamiento a tierras cherundenses, an que cayó lo sabado por 4-2 contra  o terceno clasificau, o CTT Tramuntana-Figueres, y s’imponió por 2-4 lo domingo a un atro rival directo, o CTT Báscara.

En a primera trobada, a base catalana Anna Roselló ganó a las dos millors chugadoras zaragozanas, Alejandra Gimeno y Sara Escota, encara que ista zaguera estió a punto de dar a sorpresa (3-2). Os tantos d’o CAI estión obra de Yara Grimal y Cristina Raducán frent a Alba Casiñol. Debant d’o Báscara, Escota pilló as suyas dos individuals y Grimal y Raducán bi alportón un punto cadaguna. Con istos resultaus, o quadro caista se posa terceno con os mesmos triumfos que o segundo clasificau.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.