Seis nuevos países declaraus libres de minas antipersona

Dinamarca, Gambia, Guinea Bissau, Chordania, Uganda y a Republica d'o Congo son declaraus nuevos países libres de minas antipersona

Mina antipersona. Foto: Wikipedia

Seis nuevos países han estau declaraus libres de minas antipersona en rematar a 12ª Conferenciad’Estaus Parte d’a Convención d’Ottawa que ye a que vieda l’emplego d’istas armas explosivas que han causau un gran mal a la población civil en esferents conflictos armaus arredol d’o mundo. Mas de 26.000 personas a l’anyo en a planeta mueren u son graument nafradas con amputacions debiu a las alto u baixo 110 millons de minas existents en 64 países.

Dinamarca, Gambia, Guinea Bissau, Chordania, Uganda y a Republica d’o Congo son os nuevos países que han cumpliu a suya obligación como sinyants d’o tractau d’Ottawa, d’escoscar de minas o suyo territorio. Iste tractau se sinyó fa quince anyadas y ya son 161 os países (con a venient adhesión de Polonia) que l’han ratificau.

Palestina ha declarau a suya intención de sinyar o tractau antis con antis, mientres Estaus Unius decidirá luego si se i adhiere u no, dimpués de participar totz dos países como observadors en a conferencia.

Antiparti, Hongría confita en sacar as suyas minas en 2013, y Mozambique y Venezuela en 2014. Zimbabue, Chipre, Angola y Afganistán prolargarán o suyo proceso de limpieza de minas dica 2015, 2016, 2018 y 2023 respectivament. Belarrusia, Grecia y Ucraína no cumplioron con o suyo compromís de liberar-se d’istas armas, pero han enantau enta dito obchectivo.

Una rispuesta a Seis nuevos países declaraus libres de minas antipersona

  1. Pingback: Seis nuevos países declaraus libres de minas antipersona | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.