S’elevan a 147 os muertos de l’ataque a la Universidat de Garissa, en Kenia

I hai una uitentena de ferius. O grupo armau Al Shabab ha reivindicau l'ataque

Localización d'o distrito de Garissa en Kenia. Imachen: CGN2010 (CC-BY-SA 3.0)

Localización d’o distrito de Garissa en Kenia. Imachen: CGN2010 (CC-BY-SA 3.0)

A lo menos 147 personas ha muerto en un ataque en a universidat de Garissa, ta l’este de Kenia. Asinas l’han confirmau as autoridatz keniatas, que tamién han explanicau que i hai una uitentena de ferius. O grupo armau Al Shabaab ha reivindicau l’ataque. O ministro de l’Interior, Joseph Nkaiserry, ha confirmau tamién que quatro d’os atacants han estau abatius por a policía. As fuents d’o gubierno tamién han anunciau que a operación de rescate ha finalizau.

Os feitos han empecipiau a las 5.30 hora local, quan os atacants han entrau en o recinto y han empecipiau a disparar indiscriminadament y han detonau artefactos explosivos. Os asaltants han accediu a las residencias dimpués d’enfrontinar-se con os policías que cosiraban a entrada. Han reteniu un numero elevau de rahens que ya han estau evacuaus d’o recinto.

O grupo armau Al Shabaab, que actúa sobre tot en Somalia, s’ha atribuiu l’ataque. Un d’os suyos portavoces, Seij Abdiasis Abu Musab, ha dito a l’achencia Reuters que una vegada dentro d’o recinto han ordinau a os rahens y han liberau os que yeran musulmans.

S’ha decretau un toque de queda mientres a nueit en qualques partes d’o país.

Fuent: http://www.vilaweb.cat/noticia/4238758/20150402/seleven-147-morts-latac-universitat-garissa-kenya.html

Una rispuesta a S’elevan a 147 os muertos de l’ataque a la Universidat de Garissa, en Kenia

  1. Pingback: S’elevan a 147 os muertos de l’ataque a la Universidat de Garissa en Kenia | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.