Semana muller y comercio chusto en Zaragoza

Unas chornadas debatirán en Zaragoza sobre a muller y o comercio chusto

Cartel Muller y comercio chusto

Cartel d'as chornadas

D’o 15 dica o 17 de noviembre se celebrará en o Centro Joaquín Roncal d’a Fundación CAI-ASC una semana tematica adedicada a las mullers productoras que son dezaga d’os productos de comercio chusto que consumimos de cutio. O evento ye organizau por Suralia (o Espacio de Comercio Chusto d’a Federación Aragonesa de Solidaridat), una d’as principals botigas de Comercio Chusto en Zaragoza. Como convidau especial bi será o responsable d’a demba de botigas de comercio chusto de Intermón Oxfam, Paco Juan , con l’obchetivo de presentar o nuevo café Tierra Madre.

O café Tierra Madre ye un café de comercio chusto que ye estau cultivau por mullers caficultoras amas d’as vidas suyas. Antimás d’a presentación s’ufrirá una tastada d’o debandito café entre as personas que i vaigan. Entre os actos bi habrá una tastadas de tés de comercio chusto y un safari sostenible a on que se visitarán diferents espacios de comercio chusto de Zaragoza.

O programa ye o siguient:

15 noviembre a las 19:00. Presentación-tastada d’o café Tierra Madre, cultivau por mullers caficultoras amas d’a vida suya. Actividat de baldes mientres que se i culla.

16 de noviembre a las 19:00. Fair Tales y té. ¿Cómo ye una cooperativa de mullers liderada por mullers? Rufierta entre que tastamos un delicioso té de comercio chusto. Actividat de baldes entre que se i culla.

17 de noviembre a las 17:30 Safari sostenible, visita por diferents espacios de comercio chusto y agricultura ecolochica ta gronxiar-nos con una tastada de productos y conoixer cooperativas de mullers que treballan en o comercio chusto. Cal apuntar-se-ie antis en Suralia.

O Comercio Chusto ye un movimiento internacional formau por organizacions d’o Sur y d’o Norte que l’obchetivo suyo ye cambiar os inchustos regles de comercio internacional. Ye l’unico rete comercial a on que os intermediarios son disposaus a achiquir os suyos marguins ta que quede más esquilmen a lo productor, qui de vez se compromete a producir baixo parametros d’equidat de chenero, chusticia laboral y parametros meyoambientals.

Fuent: http://arainfo.org/2011/11/1956/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.