Senao podría denunciar a Dueso

Dueso l'acusó de masclista dimpués que le clamase "sinyoreta Pepis"

Carmen Dueso (PSOE)

Carmen Dueso (PSOE)

A comisión de Servicios publicos d’o Concello de Zaragoza tenió ahiere intes de a-saber-la tensión, con faltadas entre José Ignacio Senao, d’o PP, y Carmen Dueso d’o PSOE.

A pleitina prencipió quan a concellera d’o PSOE, que tamién ye a consellera de servicios publicos dició que en bellas chuntas de vico se feba “una politica barata y zaborrera”. Alavez, Senao s’endrezó a Dueso ta decir-le que teneba una actitut de “senyoreta Pepis”. Dueso, carranyada respondió calificando a suya intervención como masclista a lo que Senao respondió que ella “heba emplegau terminos que nunca no s’han de fer servir y menos por una muller” y le demandó que retirase l’acusación de masclismo.

En negar-se a retirar-lo a concellera d’o PSOE, Senao menazó con levar-la t’os tribunals. Leticia Crespo, de CHA, tamién bi charró ta decir-le a Senao que “o feito de decidir que ye lo que puet decir u no una muller sí que tien tintes masclistas”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.