Serbia se sincusa por primer vegada en a historia por a matanza deSrebrenica

"M'achenullo y demando perdón", ha declarau o president serbio, Tomislav Nikolic

Entierro en 2007 de 465 d'as victimas (Foto: Wikipedia)

Entierro en 2007 de 465 d’as victimas (Foto: Wikipedia)

Por primer vegada en a historia, Serbia ha demandau perdón por a matanza de Srebrenica (Bosnia y Herzegovina), a on que morioron ueito mil musulmans. En una entrevista t’a televisión publica de Bosnia BHT, o president serbio, o nacionalista Tomislav Nikolic, ha demandau sincusas explicitament por os feitos: “Me achenullo y demando que Serbia siga perdonada por os crimens cometius en Srebrenica“. Con tot y con ixo, s’ha negau a reconoixer que s’hese tractau d’un chenocidio, esfendendo que ixo encara no s’ha prebau. “Demando perdón por os crimens cometius por qualsiquier persona en nombre de l’estau u d’o pueblo nuestro”, ha dito Nikolic en a entrevista.

Nikolic, de pasau ultranacionalista serbio, dispertaba dica agora recels entre muitos bosnios. As suyas declaracions en a televisión bosnia, manimenos, contrimuestran un cambeo fundo, porque garra mandatario de Serbia no heba demandau nunca perdón. A entrevista completa se podrá viyer o 7 de mayo, pero la televisión en ha espardiu ya bells trozos en internet.

En 1995 bells ueito mil musulmans estioron asesinaus dimpués d’a ocupación de Srebrenica de man d’as tropas serbo-bosnias encapezadas por Ratko Mladic.

Fuent: http://www.vilaweb.cat/noticia/4109180/20130425/serbia-disculpa-primera-vegada-historia-matanca-srebrenica.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.