“Serruchazo” presienta o suyo primer disco “Todo es ponerse”

O disco se puede ascuitar de baldes en o suyo bandcamp y mercar-se a partir d'o sabado

Serruchazo“Todo es ponerse” ye o titol d’o primer disco de Serruchazo, colla hardcore punk de Lecinyena que presientan iste treballo de dotze temas o sabado en o CSO Kike Mur, chunto con Totälickers.

O disco ye de tot autoproduciu, dende la gravación dica la edición y distribución, seguindo a premisa de “fe-lo tu mesmo/A” y que se podrá mercar por nomás quatre euros dende a calendata d’o concierto de presentación.

“Oficialmente desprotegido”, “¡Esto es una guerra!” u “África” son belunas d’as piezas que fan parte d’iste debut, a on que Serruchazo fan d’o suyo punk rapedo un chilo de guerra contra la especulación inmobiliaria, a pobreza en o tercer mundo, as garcholas u as fuerzas de seguridat que barrachan con temas más boriners (“Cervezas”) u l’homenache a amigos que ya no i son (“En el recuerdo”)

Tot o disco se puede ascuitar de baldes dende o suyo bandcamp.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.