S’espalda a torre d’a ilesia de Pui de Cinca y se producen desperfectos en a de Castillón de Sobrarbe

As malas condicions climaticas de l'hibierno y as ya de por sí malas condicions d'os edificios provocoron istos danyos materials

Foto d'a ilesia de Castillón de Sobrarbe encara con o toldo. Foto: Juan R. Lascorz (CC-BY-SA 3.0)

Foto d’a ilesia de Castillón de Sobrarbe encara con o toldo. Foto: Juan R. Lascorz (CC-BY-SA 3.0)

Debiu a o mal orache d’as pasadas semanas, con aire, plevia y nieu, a torre d’a ilesia de Pui de Cinca s’ha espaldau, dimpués de ueito sieglos en piet. A torre ya levaba anyos en muit malas condicions. Amás o edificio d’a ilesia tamién ha resultau danyau, pues a torre s’ha espaldau dencima.

Se desconoixe con exactitut quan s’espaldó a torre, pues a zona ye albandonada dende que se construyó o entibo de Lo Grau y ye de dificil acceso, pero s’estima que escayeixió fa 10 u 15 diyas.

En Castillón de Sobrarbe, o toldo que protecheba l’interior d’a capiella y a sacristía, que fa 10 anyos perdió o suyo tellau, ha volau. Asinas mesmo, s’espaldó o tellau de l’atrio. Ya en 2007 se zarró por o periglo d’espalde.

Muitos atros edificios aguardan una final similar en tot Aragón, mas que mas en lugars despoblaus debiu a la falta d’actuación d’os diferents gubiernos por a falta de partidas presupuestarias adedicadas a la restauración d’istos immuebles.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.