S’espaldan 30 metros d’a muralla meyeval de Zaragoza

A las 6:20 un vecin avisaba de que s'heba espaldau un troz de muralla meyeval

A muralla espaldada (Foto: Tamara Marzo Rins)

A muralla espaldada (Foto: Tamara Marzo Rins)

Pasadas las seis d’a maitinada d’o chueves, bells 30 metros d’a muralla meyeval de Zaragoza s’espaldaban entre as carreras Alonso V y Arcadas, muito amán de l’albergue municipal. En primeras no pareix que bi haiga garra persona ferida, encara que se ye fendo servir cans d’os cuerpos de seguridat de l’estau ta rechirar en a enrona por si un caso.

A carrera Arcadas s’ha tallau t’o trafico y en toda ixa parti se han meso cletas d’obras ta privar que i pase a chent. Bells vecins heban avisau ya de bells movimientos en a muralla y, de feito, o concello yera parando obras en ixa parti. O cierzo y a plevia d’os zaguers diyas podrían haber feito encara más feble a estructura d’a muralla.

Una rispuesta a S’espaldan 30 metros d’a muralla meyeval de Zaragoza

  1. Pingback: Apudepa pide al Ayuntamiento que dé todas las explicaciones sobre el derrumbe de la muralla de Zaragoza | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.