S’estandilla o movimiento d’embaixadas aborichens en Australia

Dende a celebración en chiner d'o 40 cabo d'anyo d'a primer embaixada indichena o movimiento s'ha multiplicau por tot lo país. A situación d'o indichenas, en estando preocupant, prencipia a amillorar.

Imachen d'una d'as acampadas (Foto: Somaya Langley)
Imachen d’una d’as acampadas (Foto: Somaya Langley)

Dende que o pasau chinero se celebroron as 40 anyadas d’a instalación permanent d’a Tienda d’a Embaixada Aborichen debant d’o parlamento de Camberra, diversas acampadas y tiendas embaixadoras s’han iu instalando por a costa australiana. Agora mesmo ya bi ha siet tienda de l’embaixada aborichen que se coordinan por o país ta reclamar os suyos dreitos. Entre que creix o movimiento tamién creix a tensión y la intención d’as fuerzas policials ta prebar d’impedir a multiplicación d’iste fenomenos. O zaguer caso represivo se produció en a ciudat de BRisbane, a on que a semana pasada una gran cantidat de policias desaloixoron bells 80 personas que heban acampau dende o mes de marzo, arrestando-ne a más de 30.

No estió, manimenos, o zaguer caso a on que a policia ha prebau de fer difuera a los aborichens y a las personas que se solidarizan con ells. Fa bells diyas bi habió un conflicto con un atro campamento y en chinero, quan se feban as 40 anyadas d’a plantada d’a embaixada aborichen, a policía reprimió de traza muito fuerte as movilizacions.

As celebracions conmemoran que o mes de chinero de 1972 bells activistas aborichens acamporon debant de l’antigo parlamento d’Australia a conseqüencia d’a negativa de Billy McMahon, qui t’a part d’alavez yera o primer ministro, ta guaranciar os dreitos territorials d’os aborichens. Con ista acción que ha endurau dica o diya de hue y que contina, bi habió un punto d’inflexión en a luita aborichen que les ha levau a conseguir diversas reconoixeduras.

A tamás d’os graus problemas d’as comunidatz aborichens en as dembas d’a sanidat, a educación y a territorialidat – y las conseqüencias que ixo leva como l’alcoholismo, a violencia, y a perda d’a cultura y idiosincrasia propia-, en as zaguers anyadas s’ha visto bell cabio en a mentalidat d’o gubierno y a población australiana cuanto a la población orichinaria d’o continent. Seguntes, l’informe anyal d’a Comisión d’os Dreitos Humans d’Australia, a población aborichen ye creixendo y os suyos indicez de alfabetización y asperanza de vida tamién. Con tot y con ixo, l’informe tamién charra d’as criticas de ciertas comunidatz que reconoixen que ye muito dificil de poder recuperar as trazas de vida tradicional (basada en l’espacio) si os aborichens son confinaus en reservas.

 

Fuent: http://www.nationalia.cat/ca/noticies/1141

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.