Sestrica enguera nuevo refuchio municipal ta senderistas y cazataires

Dende o refuchio surten bellas cursas senderistas

O refuchio en a devantadera (Foto: DPZ)

O refuchio en a devantadera (Foto: DPZ)

Iste chueves se fació a devantadera d’o nuevo refuchio municipal de Sestrica ta senderistas y cazataires. En l’acto participoron bells cinquanta vecins d’o lugar, antimás de representants institucionals d’o concello, a comarca de Aranda y a Diputación Provincial de Zaragoza.

O refuchio tien una planta de 62 metros cuadraus utils, con un minchador de 34 metros, una cambra de 6 y un branquil cubierto de 20. En a sala buena bi ha una chaminera y una mesa con posientos ta bellas 15 personas. En o branquil bi ha una atra mesa ta bellas 10 personas.

A cubierta ye disenyada ya replegar as auguas d’a plevia y alzar-las en un deposito de 1.000 litros ta que se puedan fer servir ta escoscar u fregar.

As obras prencipioron en 2009, y han contau con a colaboración economica d’a DPZ. O nuevo equipamiento ye a 4 km de Sestrica, a lo piet d’a Sarra d’a Virchen, en a muga entre as tierras de labora y a zona d’arbolau y en o punto a on que s’encetan os camins que levan ta ixe puesto botanica singular, unico en Aragón, que ye o carrascal de  zureras de Sestrica. A o canto i pasa o camín PR-Z-9, antigo Camín Reyal que iba dende Illueca y Ebreya ta Calatayú- A suya orientación permite tener una gran anvista de Sestrica y a Sarra d’arredol.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.