SGAE deixará de cobrar en conciertos solidarios

Antón Reixa, o nuevo president d'a entidat anuncia cambios

Antón Reixa, president de SGAE (Foto: Wikipedia)

Antón Reixa, president de SGAE (Foto: Wikipedia)

Os tiempos d’os achents d’a SGAE prebando de cobrar diners en conciertos solidarios u en obras de teyatro de colechios podrían estar historia d’antismas en caso d’estar verdat as declaracions de Antón Reixa, nuevo president d’a entidat chestora de dreitos d’autor dende o pasau 8 de mayo.

Ta mirar d’evitar as polemicas surtidas en as zaguers anyadas y prebar d’escoscar a mala imachen d’a SGAE, Reixa tamién ha anunciau que se ferá un “manual de buenas practicas t’o suyo rete de 170 comercials que tienen por tot l’estau. ‘Lo que estableix a lei ye a obligación de pagar o dreito d’autor, pero cómo y quánto se paga ye un pacto libre entre a SGAE y o ciudadan. Ye astí a on que imos a actuar’ ha declarau.

Reixa quiere deixar ‘l’astral de guerra’ con l’Asociación d’Internautas, qui historicament s’han concarau a-saber-lo con a SGAE, y diz que, as dos entidatz encetarán de conchunta una campanya de espardidura sobre a compensación por copia privada que sustitui a lo canon dichital.

A ran organizativo, a estructura d’a nueva SGAE será ‘quasi federal’ y ‘escentralizada’. Cal remerar que Catalunya tien transferidas as competencias en materia de entidatz de chestión de dreitos y que o 20% d’os socios son d’astí.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.