S’ha muerto Bebo Valdés, o lechendario pianista cubano

Teneba 94 anyos y yera considerau una figura capital d'a mosica cubana d'a epoca dorada

Bebo ValdésO prestichioso pianista Bebo Valdés ha muerto iste viernes a la edat de 94 anyos en Suecia. Naixiu de Cuba, iste mosico de jazz y mosica cubana ye considerau una d’as figuras centrals d’a mosica d’o suyo país de conchunta con atros mosicos, sin ir mas luen como o suyo fillo, Chucho Valdés, que ye tamién un pianista reconoixiu. Valdés estió redescubierto en 1994 por o mosico afrocubano Paquito De Rivera, con o qual gravó iste anyo ‘Bebo Rides Again’, disco que lo prochectó internacionalment. Con Trueba gravó ‘El Milagro de Candeal’, dirichida por Fernando Trueba y en 2010 fació a banda sonora de ‘Chico y Rita’, film que contiene fragmentos d’a suya propia vida.

Fillo d’una familia d’esclaus, estudió en o conservatorio de L’Habana y en os anyos quaranta tanyó en quantas orquestas, entre as qualas ye a d’o Club Tropicana, d’a quala estió director mosical uns anyos, entre os quals estió tamién muit solicitau como pianista, arreglista y compositor, con exitos como o mambo ‘La rareza del siglo’.

Istos anyos, recibió y absorbió a influencia d’o jazz, y en 1952 o productor Norman Granz organizó con ell una d’as primeras gravacions de jazz afrocubano. Disconforme con a revolución cubana, en 1960 s’exilia ta Mexico, a on vivió dica 1963, quan se tresladó ta Suecia, a on dica os anyos novanta estió pianista en clubs de jazz y restaurants.

Retirau en 1990, en 1994 estió redescubierto por o mosico afrocubano Paquito De Rivera, con o qual gravó iste anyo ‘Bebo Rides Again’, disco que lo prochectó internacionalment.

Dende alavez ha feito numerosos conciertos y ha gravau numerosos discos como director d’orquesta, compositor -entre atros, d’a banda sonora d’o documental ‘Calle 54‘ (2001), de F. Trueba, que tamién coprotagoniza-, y pianista, aspecto en o qual destaca o dúo con o cantaor de flamenco Diego ‘El Cigala’.

Con ‘El Arte del Saborganó dos Grammy en 2001. O tercer se lo levó por o disco ‘Lágrimas Negras’ con Diego El Cigala. Amás, en ganó dos mas con ‘Bebo de Cuba’ y unatro con o disco integral de piano ‘Bebo’ en 2006. Con Trueba gravó ‘El Milagro de Candeal‘, dirichida por Fernando Trueba y en 2010 fació a banda sonora de ‘Chico y Rita’, l’argumento d’a quala contiene fragmentos d’a suya propia vida.

Fuent: http://www.vilaweb.cat/noticia/4098233/20130322/mort-bebo-valdes-llegendari-pianista-cuba.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.