S’ha muerto o guitarrista Paco de Lucía

Ha teniu un ataque de corazón quan yera con a suya família en Mexico

Foto: Montuno (CC-BY-SA)

Foto: Montuno (CC-BY-SA)

O mosico Paco de Lucía s’ha muerto hue a os sixanta y seis anyos a causa d’un ataque de corazón. N’informa o diario ABC, seguntes o qual o guitarrista yera en Mexico con a suya familia. De Lucía ha estau un d’os guitarristas mas virtuosos d’o flamenco, y ha teniu exito en fusionar-lo con estilos diferents, como o clasico y o jazz.

En 1973 publicó o primer disco. Se fació acompanyar en aquells momentos por percusionistas, o que l’aleixaba d’o flamenco mas clasico y daba un aire renovador. En 1976, con o disco ‘Almoraima’, adquirió renombre internacional. I homenachiaba a os clasicos y le fació honra ta estar considerau un d’os millors autors de flamenco y, de feito, un d’os millors guitarristas de totz os tiempos.

Entre os anyos setanta fació una decena de grabacions con o cantante de flamenco Camarón de la Isla. A suya popularidat s’estendilló por tot o mundo con as colaboracions con grans guitarristas, como por eixemplo John McLaughlin, Al Di Meola y Larry Coryell, con qui experimentó a fusión de flamenco y jazz en discos tant celebres como ‘Passion, Grace and Fire’, a finals d’os setanta.

Fuent: http://www.vilaweb.cat/noticia/4175654/20140226/mort-guitarrista-paco-lucia.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.