S’ha muerto o zagal agrediu por a extrema dreita en París

Clément Méric yera un militant de cuchas antifaixista. I hai ueito personas detenidas, entre as qualas i hai un espanyol

clementClément Méric, un militant de cuchas de decinueu anyos, morió ahiere a resultas d’una agresión brutal d’un grupo d’extrema dreita. Os feitos ocurrioron o miercols en pleno centro de París. Ueito individuos d’entre vint anyos y trenta han estau detenius como presuntos autors de l’asesinato. O prencipal acusau, seguntes qualques medios, ye espanyol. Méric, que yera estudiant d’a prestichiosa universidat Sciences Po, se trobaba en estau de muerte celebral dende ahiere a l’atardixer, en l’hespital la Pitié-Salpêtrière.

Os detenius son en prisión preventiva mientres asperan compareixer debant d’o chuez. Os investigadors han replegau datos y imachens d’os supuestos agresors y veyen vinclos con as Choventutz Nacionalistas Revolucionarias, grupo d’extrema dreita.

O primer ministro francés, Jean-Marc Ayrault, dició ahiere que quereba erradicar os grupos d’extrema dreita y que asperaba que o gubierno trobase os medios de fer-lo. ‘He demandau a o ministro d’Interior y a la de Chusticia que estudien como se pueden tallar a trozos, de bella traza, democraticament, sobre a base d’o dreito, istos movimientos d’inspiración faixista y nazi que perchudican a la republica. A nuestra responsabilidat no ye tant solament veilar porque istas ideyas no prosperen, soque trobar as respuestas churidicas, politicas, ta que totz istos movimientos racistas, antisemitas y homofobos sían combatius.’

Vídeo de l’homenaje a Clément Méric, milars de personas clamando ‘No pasarán’ en París.

Fuent: http://www.vilaweb.cat/noticia/4122694/20130607/mort-noi-agredit-lextrema-dreta-paris.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.