Shinzo Abe, nuevo primer ministro de Chapón

Shinzo Abe, ganador d'as esleccions d'o 16 d'aviento, ye nombrau por o Parlamento chaponés nuevo primer ministro

shinzo abe

Shinzo Abe. Foto: Wikipedia

As dos Camaras d’a Dieta (Parlamento) de Chapón han nombrau a Shinzo Abe nuevo primer ministro de Chapón, en substitución de Yoshihiko Noda, que presentó a suya dimisión y convocó esleccions t’o 16 d’aviento, que ganó o Partiu Liberal Democrata (PLD) d’Abe con mayoría absoluta.

Con 328 votos favorables d’as 480 cadieras d’a camara baixa chaponesa, Abe ha consiguiu o suyo nombramiento, tamién consiguiu en a votación en o Senau. Abe ya estió o chefe d’o gubierno chaponés entre 2006 y 2007. Hue nombrará a o suyo gubierno y será investiu primer ministro por l’emperador chaponés en o Palacio Imperial. Asinas mesmo, o miembro d’o PLD Bunmei Ibuki ha estau nombrau president d’o Parlamento.

Como retos d’o suyo gubierno, recuperar a economía chaponesa en recesión, a recuperación d’o país d’o tsunami y de l’accidente nucleyar de Fukushima, asinas como resolver os pleitos territorials con China por a sobiranía de bellas islas, que han puyau masiau a tensión entre os dos países.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.