“Si atro griego hese preso un kalashnikov”. Dignidat d’un griego

L'hombre, boticario, s'ha pegau un tiro debant d'o Parlamento griego ta protestar por as retalladas

O manuscrito de l'heroe griego

O manuscrito de l'heroe griego

Un chuvilau griego de 77 anyos ha metiu fin a la suya vida d’un disparo debant d’o Parlamento griego, ta protestar por as retalladas que li deixaban sin garra posibilidat de pervivir. L’hombre, contimparaba en a suya carta de suicidio a situgación actual a la d’o gubierno colaboracionista con os nazis en a Segunda Guerra Mundial. Ista ye a carta que ha feito l’hombre, antis de matar-se.

“O gubierno d’ocupación de Tsolakoglou [o gubierno colaboracionista con os nazis] ha achiquiu a cosa a mia capacidat de pervivencia que dependeba d’una rispetable pensión que, mientres más de 35 anyos, yo solenco, sin a contribución de l’estau, he pagau. Como ye que tiengo una edat en a que ya no tiengo o poder de concarar activament (encara que, prou que si cualsiquier griego hese preso un kalashnikov, yo hese estau o segundo en fer-lo) no trobo atra solución ta una fin digna antis que haiga de rechirar en a vasuera ta minchar-ne. Creigo que os chovens sin esdevenidero prenerán as armas bell diya y pencharán a os traidors nacionals en a Plaza d’a Constitución, mesmo que os italians facioron a Mussolini en a Piazza Poreto de Milán”

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.