‘Si parlas a tuya muller irá a prisión; si callas cayerá Gallardón’

O diario El Mundo diz que l'advogau de Lapuerta ufrió un pacto a Bárcenas en nombre d'o PP quan l'extresorero ya yera en a prisión

el mundoO diario El Mundo publica hue nuevas informacions sobre o caso Bárcenas, seguntes as qualas o PP ufrió a l’extresorero d’o partiu a cabeza d’o ministro de Chusticia y l’archivamiento d’a causa en pagas d’o suyo silencio. Explica que Javier Iglesias Redondo, advogau de l’extresorero d’o PP Álvaro Lapuerta y persona de confianza d’o partiu, estió a semana pasada en a prisión de Soto del Real y soltó a Bárcenas: ‘Si parlas a tuya muller irá a prisión. Si callas Alberto Ruiz-Gallardón será destituiu en o zaguer consello de ministros antis de vacanzas y o tuyo caso s’archivará en setiembre por nulidat.’ Seguntes o diario, Iglesias Redondo le dio iste mensache en representación d’o PP.

Antiparti, diz que Miguel Durán le fació plegar o mesmo mensache en nombre de Mariano Rajoy. Durán, exdirector cheneral d’a ONCE, ye advogau de Pablo Crespo, l’exsecretaire d’Organización d’o PP gallego y numero dos de Francisco Correa en a trama Gürtel.

O diario tamién publica que Bárcenas entregará a o chuez centenars de documentos y un USB con a contabilidat B d’o PP.

Fuent: http://www.vilaweb.cat/noticia/4133798/20130715/parles-teva-muller-anira-preso-calles-caura-gallardon.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.