Sicarias del Cierzo: dos meses, dos victorias

Informamos d'os pasos que han feito as nuestras quiestas Sicarias del Cierzo, o equipo de Roller Derby d'a capital aragonesa

(Foto: Sicarias del Cierzo)

(Foto: Addicted to noise)

Las Sicarias del Cierzo han teniu dos partius, ambos en Madrit, exactament en o Poliesportiu Las Cruces, a on s’han enfrontinau a Roller Derby Madrid B y a un d’os equipos contra o que han chugau bellas quantas vegadas, as mesachas d’as Black Thunders Derby Dames.

O diya 16 d’abril Las Sicarias s’enfrontinaban a un d’os rivals mes potents d’a temporada, As Gatas B, de Roller Derby Madrid B. Nunca no s’heban visto as caras en a pista, y yeran prou niervudas, pero o entusiasmo les fació companyia mientres tot o partiu, ya que una vegada mes contrimostroron o suyo buen chuego en equipo y a suya coordinación, metendo-se per debant en
o marcador en tot momento.
Os primers jams determinoron a resta d’o partiu, y ye que dende o primer menuto as nuestras mesachas obtenioron a mayoría d’os liderazgos. O desarrollo d’o partiu estió prou bueno, y cal destacar que l’arbitrache estió a-saber-lo de bueno.
O resultau final estió 124 – 208 pa Roller Derby Madrid B y Las Sicarias del Cierzo respectivament. Ambos equipos se desfacioron en abrazos y buenas parolas quan remató, ya que as mesachas de Madrit no se lo metioron facil, pero l’alegría de trobar-se per primer vegada en a pista ganó a tot lo demás.
O segundo partiu se celebró fa bells dos cabos de semana, exactament o 14 de mayo, atra vegada en o Poliesportiu Las Cruces, pero agora, como ya hemos dito, as suyas contrincants estioron as Black Thunders Derby Dames.
No yera a primer vegada que se veyeban as caras y ye que istos dos equipos fan muit buena pacha y ye un placer veyer-las chugar.
En ista ocasión o partiu no escompencipió con guaire buen piet pa ambos equipos ya que per problemas tecnicos os equipos no sabeban quántos puntos levaban Las Sicarias del Cierzo, lo que fació, amás d’os niervols, que as nuestras companyeras no prencipiasen guaire coordinadas y compenetradas, indo per debaixo d’o marcador en bella ocasión.
Una vegada superaus os despistes, Las Sicarias prenioron bien de rasmia como pa rematar a primer parte con vella aventalla respecto a las Black Thunders.
En o segundo tiempo Las Sicarias yeran muito mes tranquilas, fendo-se evident en o chuego. A suya limpieza y organización en a pista briloron, lo que les fació fer-se con a victoria, rematando con un resultau de 96-198.
Dos meses, dos victorias mes. A istas mesachas no se les puede aturar. Creyemos que encara no han rematau a suya temporada de partius, asinas que… ¡Continaremos informando!
Articlo: Natalia Anadón. Traducción: Alex Ronco

 

Fuent: http://arainfo.org/sicarias-del-cierzo-dos-meses-dos-victorias/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.