Sick Brains presentan “Círculo de guerra” en la Sala López

Ye o quarteno disco d'a colla zaragozana

portaladaA banda zaragozana Sick Brains presenta iste viernes o suyo nuevo disco “Círculo de guerra en a Sala López, de Zaragoza. Iste ye o quarteno disco d’a colla, que leva más de vinte anyadas fendo mosica. O disco estió  presentau en Linacero Café o mes pasau con a presencia d’o montanyer Carlos Pauner, qui apadrinó lo disco. Bi incluye diez nuevas cantas que s’adhiben a las d’os tres discos anteriors: Sick Brains, No sé quién soy y Hoy Solo.

A colla tamién ha colaborau en o mundo d’o cine, colaborando en o a banda sonora orichinal d’a cinta de l’aragonés Miguel Ángel Lamata “Una de Zombies“, a on que apareixioron baixo lo nombre de “Azote satánico“. Dimpués continoron en “Isi Disi”, y “Tensión sexual no resuelta” y en as dos partis d’o curto “El último aragonés vivo”.

Con tot iste recorriu, Sick Brains ferá tremolar iste viernes a Sala López con nuevas y viellas cantas, presentando un disco que ha tardau siet anyadas en salir y que muitos fans yeran asperando. O 22 d’iste mesmo mes continarán presentando o disco en Madrit, en a sala Wurlitzen. A formación actual ye compuesta por José M. Tafalla (guitarra y voz), Paco Muñoz Paquillo (baixo), Joss Mayoral (batería), Nano Urcola (guitarra) y Guillermo Mata (guitarra). Os anteriors discos se pueden baixar d’a suya pachina web a on que tamién se puet mercar “Círculo de guerra”.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.