Siet nuevos locals t’artistas en o vico d’a Madalena

Os locals acullen nuevos negocios de artistas y creyadors. Ye parti d'un prochecto de revitalización d'o Casco Historico

Ueito locals de siet artistas diferents han ubierto u ubrirán a escape as suyas puertas en a carrera Sant Agustín d’o zaragozano vico d’A Madalena. Istos nuevos negocios son relacionaus con l’arte, a moda, a restauración y asinas asinas.

Os locals son logaus por o Concello de Zaragoza, que ahiere los visitó con una representación formada por l’alcalde Juan Alberto Belloch, o conseller municipal de Cultura, Educación, Meyo Ambient y Participación Ciudadana, Jerónimo Blasco, y o president d’a Chunta de Distrito y portavoz municipal de IU, José Manuel Alonso. Mientres as primers cinco anyadas os locals no habrán de bosar que un euro por metro cuadrau de loguero.

Dende que surtió ista iniciativa plegoron muitas proposas a lo Concello. En concreto en estioron 57 as que se presentoron ta ocupar os d’a Carrera Sant Agustín. Pendendo de como funcione a iniciativa, ye posible que se repita una experiencia parellana en atras partis d’o Casco Historico.

Fa bells meses ya ubrioron as puertas atros negocios en condicions parellanas, en a carrera Las Armas, d’o vico d’o Gancho, encara que a tematica d’istas yera más centrada en o mundo d’a mosica.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.