Siet personas han muerto en 2012 en as montanyas d’Aragón

Cifras trachicas que se quieren evitar con iniciativas como 'Montaña Segura'. O programa continará pasando por os distintos campamentos chovenils d'Aragón ta concienciar a os mas chicotz

Gracias a o programa ‘Montaña Segura’, ye posible realizar en Aragón un mayor treballo de concienciación y prevención d’accidents en l’entorno natural . Un anyo mas, Gubierno d’Aragón, Ibercaja y Federación Aragonesa de Montanya han sinyau un alcuerdo de colaboración ta seguir abanzando en iste tipo de treballos.

As novedatz de cara a ista campanya son importants ya que cambea o nombre, a imachen y a metodolochía. Con a nueva forma de treballar se pretende creyar en primer puesto un amplio grupo de voluntarios formaus, asesoraus y emparaus de forma contina por os tecnicos de “Montaña Segura”, siempre emparaus por as nuevas tecnolochías y os retz socials.

Un treballo que no se quedará nomás en Aragón. Una d’as prencipals conclusions d’as campanyas pasadas ye que a gran mayoría d’as personas que sufren accidents en as montanyas aragonesas son de difuera d’a comunidat. Por ixo, se pretende lanzar o mensache a totz aquells que quieren desfrutar de l’entorno natural aragonés a traviés d’a nueva web. En ella l’excursionista podrá descargar material sobre recorrius y pautas de seguridat ta una val concreta u ta una actividat determinada.

O ret de voluntarios que se formará tendrá un amplio rayo d’acción en puestos muit concretos d’a cheografía aragonesa: Val de Benás, Val de Cinca-Cinqueta, Val d’Ordesa, Val de Tena, Val de l’Aragón, Vals Occidentals, Moncayo y Sierra de Guara, amás de puntos informativos en a Plana de Uesca y unatro en Semontano de Balbastro.

Tot ixo ta prebar de cambear as trachicas cifras de siniestralidat en montanya. En o que levamos de 2012, os equipos especials de rescate d’a Guardia Civil han realizau un total de 96 rescates con un balance de siet muertos, 71 ferius y 61 personas ilesas.

Fuent: http://www.aragon2.com/n-19741-2-Siete_personas_fallecido_2012_montanas_Aragon

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.