S’investigan posibles irregularidatz en o reparto d’os fundos d’inversión ta Teruel

A denuncia de Compromiso con Aragón ha ubierto una investigación sobre a posibilidat de que bi haiga habiu favoristismos en a concesión d'as aduyas

Audiencia Provincial de TeruelA Fiscalía de l’Audiencia Provincial de Teruel prencipiará a investigar a posibilidat de que bi haiga habiu un delito de prevaricación en o reparto d’os 60 millons d’euros en o Fundos d’Inversions de Teruel (FITE) d’o 2012. A investigación prencipia dimpués de que a formación politica Compromiso con Aragón (CcA) denunciase que istos fundos se repartiban “a la carta de bells pocos concellos” y demandase que s’establixesen “unas bases obchectivas y transparents aintro d’o marco d’a legalidat que regulen a distribución d’istos diners que pagamos d’entre totz os ciudadans”.

 

Decinueu lugars d’a provincia de Teruel no han recibiu ni un euro en as zaguers cinco anyadas. Entre ells, a tercer ciudat d’a provincia, Andorra, gubernada por IU. Os fundos se reparten sin reglas conoixidas en un alcuerdo a tres bandas: PP y PAR, con o refirme d’o PSOE”, diz o president de Compromiso por Aragón, Joaquín Moreno.

Ta Moreno, iste reparto ye “fosco y inchusto porque suposa una falta de respeto más a los lugars d’o territorio, creyando municipios de primer y segunda categoría, uns con dreito a recibir subvencions y atros sin garra dreito a recibir cosa.”

O conseller d’Economía, Francisco Bono, a qui CcA fa responsable d’istas irregularidatz s’ha esfendiu explicando que o reparto d’os fundos los leva una comisión mixta d’os gubiernos aragonés y espanyol, que “actua con criterios fiscalizaus d’antis por a Intervención Cheneral de l’Estau y d’a comunidat autonoma”. A tamás d’ixo, declaró estar “de tot convenciu de que no bi ha habiu garra irregularidat”.

 

 

Una rispuesta a S’investigan posibles irregularidatz en o reparto d’os fundos d’inversión ta Teruel

  1. Pingback: S’investigan posibles irregularidatz en o reparto d’os fundos d’inversión ta Teruel | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.