Sinyau un conveniu t’a protección d’as aus entre o Gubierno y Red Eléctrica

Se ferán programas ta conoixer as rutas de vuelo d'as aus y empachar accidents con as linias de electricidat

SInya d'o convenio (Foto: D.Ch.A.)

SInya d’o convenio (Foto: D.Ch.A.)

O Gubierno d’Aragón y Red Electrica de España han sinyau iste viernes un alcuerdo de colaboración ta “empentar, promocionar y desembolicar prochectos de conservación de l’avifauna que bi ha en Aragón”.

Entre as actuacions, bi ye un seguimiento d’eixemplars de l’alica perdiguera (Hieraaetus fasciatus), con emisors satelite ta amugar os suyos territorios. Se marcarán y seguirán 4 alicas, continando con o programa que prencipió lo gubierno en 1999 y que ha permitiu conseguir información sobre os movimientos d’os individuos chovens, as arias d’espardidura, as caracteristicas d’os desplazamientos de largo recorriu y l’emplego d’espacio d’individuos adultos reproductors.

Atro programa, prebará de “identificar, caracterizar y cartografiar as rutas y corredors de vuelo d’as aus que interactuan con as linias de transporte d’electricidat”. Con iste programa se prebará d’identificar as rutas más periglosas t’as aus por o risque de estozar-se contra os cables electricos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.