‘Sketchmania.es’ una portalada web pa la humor audiovisual aragonesa

Se creya una nueva pachina web d'humor aragonesa que s'enguera hue y se presentará oficialment o venient viernes

Dos d'os miembros d'Escuela Cómica Suicida, Francesc Tamarite y Javier Ercilla

Dos d’os miembros d’Escuela Cómica Suicida, Francesc Tamarite y Javier Ercilla

Dende hue a web Sketchmania.es ye operativa y s’enguera con o primer capitol de ‘Papa Joputa’, una webserie que conta as peripecias, pensamientos y consellos d’Alfonso López, un personache masclista, racista, homofobo y obesofobo.

“Sketchmania.es ye una portalada d’humor que pretende fer cullida a diferents prochectos audiovisuals” sinyala Javier Ercilla, un d’os suyos creyadors. Por agora a web aloixará a ya citada webserie ‘Papa Joputa’, o programa de parodia d’entrevistas ‘El Cuarto Oscuro’ y sketches d’o grupo de teatro Escuela Cómica Suicida, asinas como dos programas de radio, ‘Energúmenos’ y ‘Reporteros de la histeria’.

O prochecto corre a cargo de 4 zaragozanos: Laura Campos, editora de vidio y disenyadora grafica, encargada d’o disenyo y maquetación d’o puesto web, asinas como d’o montache y grafismo d’as series ‘El Cuarto Oscuro’ y ‘Papa Joputa’; Javier Ercilla, actor, guionista y fundador de grupos comicos como Los Mancusos y Escuela Cómica Suicida, amás de desembolicar a suya carrera como monologuista; Miguel Cabrejas, actor y guionista d’Escuela Cómica Suicida y director de ‘Papa Joputa’; y Paco Bruna, actor y guionista d’o grupo comico Escuela Cómica Suicida, realizador y productor de ‘Energúmenos’, sketches radiofonicos que s’emiten en TEA FM.

O viernes 13 de setiembre a las 21.30 horas en La Bóveda d’o Cubillar de Zaragoza (carrera Predicadors 70) se presentará oficialment Sketchmania.es. L’acto, en que se prochectarán diferents sketches, será conduciu por os comicos aragoneses Javier Ercilla y Paco Bruna.

Fuent: http://arainfo.org/2013/09/sketchmania-es-un-portal-web-para-el-humor-audiovisual-aragones/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.