Snowden ha acceptau l’asilo a Venezuela seguntes un lechislador ruso

L'excontratista d'a CIA habría acceptau a ufierta d'asilo d'o país sudamericano, seguntes un cargo politico ruso

asilo snowdenL’excontratista d’a CIA, Edward Snowden, que filtró información clasificada sobre un programa norteamericano de cibervichilancia, ha acceptau a proposa d’asilo politico de Venezuela, ha informau o chefe d’o Comité pa Afers Internacionals d’a Duma d’Estau de Rusia, Alexéi Pushkov.

“Cómo yera de dar, Snowden acceptó a proposa d’asilo politico d’o president de Venezuela, Nicolás Maduro. Seguntes pareixe, estimó que ye a opción mas fiable”, escribió Pushkov en a suya cuenta de Twitter. Diez minutos dimpués, Pushkov eliminó iste tuit.

Venezuela recibió a solicitut d’asilo preceptiva d’Edward Snowden

O president venezolano, Nicolás Maduro, ha anunciau hue que o suyo país recibió formalment a solicitut d’asilo emitida por l’exachent de l’Achencia Central d’Intelichencia (CIA, por as suyas siglas en anglés), Edward Snowden, acusau d’espionache por os Estaus Unius, por haber revelau un programa secreto de vichilancia electronica que mantiene ista nación norteamericana. Cal asperar a formalidat diplomatica pa poder brindar l’asilo humanitario.

Dende o 23 de chunio Snowden se troba, suposadament, en a zona de transito de l’aeropuerto Xeremietivo de Moscú, cusirau por o SVR ruso.

Fuent: http://noticies.sirius.cat/2013/07/snowden-ha-acceptat-lasil-venecuela.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.