Snowden ya puede abandonar l’aeropuerto de Sheremetievo

L'extecnico d'a CIA ya puede entrar en territorio ruso encara que a decisión de conceder-le asilo temporal en Rusia no ye decidida

snowdenO Servicio Federal de Migración (FMS) de Rusia ha expediu pa l’extecnico d’a CIA, Edward Snowden, documentos que le permiten salir d’a zona de transito de l’aeropuerto Sheremetievo de Moscú, ha informau hue una fuent d’o FMS.

Snowden ya retiró as suyas cosas d’a sala en que yera dende cabo de chunyo de 2013, pero encara sigue en a zona de transito, d’a on saldrá as venients horas dimpués de reunir-se con l’advogau Anatoli Kucherena, qui ya arribó a l’aeropuerto pa entregar-le os papels asperaus.

O Departamento d’Estau d’os EE.UU. anuló o suyo pasaporte norteamericano, por o qual l’extecnico d’a CIA no podió salir en vuelo de Moscú a denguno d’os países que le prometioron conceder-le asilo politico.

EE.UU. acaza a Snowden por haber revelau información secreta sobre os programas d’espionache a realizar en qualques países d’o mundo por a Intelichencia norteamericana.

Hue se sabió tamién que a ONG iraní “Luitadors por a chusticia sin mugas” ha convidau a Snowden a visitar Irán pa revelar detalls d’o espionache practicau por Washington contra iste país islamico, comunica l’achencia Faros.

Fuent: http://noticies.sirius.cat/2013/07/snowden-ja-pot-abandonar-laeroport-de.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.