Software de codigo libre ta es mes chicotz en aragonés

Presientan un programa de debuixo pa ninos y ninas de 3 a 12 anyos

tox-paint-softaragonesComo present a colla de traduccion de software ta l’aragonés, Softaragones, nos traye o Tux Paint, un programa pa os mas chicotz de casa, que tamién puede fer muita honra en as escuelas.

Tux Paint ye un programa de debuixo pa ninos y ninas de 3 a 12 anyos (infantil y primaria). Ye de codigo libre y ha ganau bells quantos premios. Tux Paint se fa servir en escuelas de tot o mundo como ferramienta ta l’aprendizache de debuixo por ordinador. Tien una interficie facil con divertius efectos de son y una mascota de debuixos animaus que guía a os ninos y ninas que fan servir o programa. Amás, puetz instalar una colección de cientos de siellos d’animals, obchectos, vehíclos, etc, con a suya descripción en aragonés que permiten de fer creacions bien pinchas.

Tux Paint se puede instalar y distribuir librement en qualsequier ordinador con Windows, Mac OS X u Linux. O codigo fuent ye disponible baixo una licencia GNU GPL que permite as modificacions ta usos no comercials. Tenetz as instruccions en o wiki de Softaragonés.

Fuent: http://arainfo.org/2014/01/software-de-codigo-libre-ta-es-mes-chicotz-en-aragones/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.