Sorpresa en Venecia por l’exito d’a consulta independentista

Empentada por colla extraparlamentarias. I ha participau o 73% de l'electorau y un 89% ha votau que sí.

Manifestacion independentista (Foto: Vilaweb)

Manifestacion independentista (Foto: Vilaweb)

O plebiscito dichital que bellas collas independentistas venecianas han organizau ista semana remató o viernes y os resultaus son estaus sorprendentement favorables a la independencia. Seguntes datos d’o Corriere, i han votau un 73% d’os electors – 2.360.235 ciudadans -, un 89% d’os quals lo ha feito de traza afirmativa. Nomás un 10,9 % han votau en contra d’a independencia de Venecia.

Seguntes istos datos, que bells medios han meso en dubda por a falta de seguridat en o sistema de voto por internet, o refirme a la independencia supera prou o numero de votos que gosa de recibir la xenofoba Liga Norte, que gubierna lo territorio y que ha prebau d’apropiar-se a consulta y o voto a favor d’a independencia. Manimenos, de feito, ye estada empentada por collas extraparlamentarias.

A ideya surtió a radiz d’o zaguer aplazamiento en o Consello Rechional de Venecia ta votar sobre una convocatoria de referendum d’independencia, o setiembre pasau. Antes, o movimiento extraparlamentario Independencia Veneta, que ye dezada d’a consulta d’agora, heba replegau vinte mil firmas ta demandar que se convocase.

Ista consulta popular proposa a los ciudadans que s’haigan rechistrau antes, recuperar a soberanía de l’antiga Republica de Venecia, desmantelada por Napoleón en 1797. Y con una pregunta tant clara como la respuesta: “¿Quiers que Venecia esdevienga una Republica federal, independient y soberana? Sí u no”.

 

Fuent: http://www.vilaweb.cat/noticia/4180743/20140322/sorpresa-venecia-lexit-consulta-independentista.html

Una rispuesta a Sorpresa en Venecia por l’exito d’a consulta independentista

  1. Pingback: Sorpresa en Venecia por l’exito d’a consulta independentista » AraInfo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.