Stabilito & The Space Oddithree gana o concurso Popyrock 2012

As collas Oakland y 9 Lágrimas consiguen o segundo y tercer premio

Replegando lo premio (Foto: Diego Stabilito)

Replegando lo premio (Foto: Diego Stabilito)

A colla de mosica Stabilito & The Space Oddithree ye a ganadora d’o concurso Popyrock 2012, que en o suyo orichen tamién se deciba “A tot estrús”. Dimpués d’o concierto final, que se fació o pasau 21 d’aviento en o Centro d’Artes ta Chovens “El Túnel”, ista colla ganó o primer premio, que ye de 4.500 euros ta grabar un disco, a edición de mil copias y a distribución dichital, antimás de 1.500 euros en instrumentos mosicals. A colla Oakland consiguió o segundo premios y “9 lágrimas” o tercer.

A resta de premios se completan con o de Millor Colla d’o servicio de Voluntariau y Chovenalla, que consiguió The Loudspeakers y que le permite l’acceso a 36 horas d’estudio de grabación en “El Túnel”. Antimás, o primer premio d’a Millor Propuesta Choven lo ganó Catmouth, o segundo “Tocado y hundido” y o tercer “Inaceptable”.

En ista edición han participau 125 collas. 21 d’ellas han teniu a oportunidat de tanyer en directo en belun d’os ueito conciertos que se han feito en “El Túnel”. O concurso, que va por a sietena edición ye organizau por o Concello de Zaragoza y bi colaboran Producciones Sin/Conpasiones, Bosco Instrumentos Musicales, El Periódico de Aragón y Cadena Ser.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.