Steve Jobs, fundador d’Apple, muere a os 56 anyos

En agosto heba dixau a presidencia d'a companyia por os suyos problemas de salut

“Un visionario”, “l’hombre que cambeo  o nuestro mundo”, “un hombre que fació millor o nuestro mundo”… Con parolas como istas o mundo despide a Steve Jobs, fundador d’Apple, que ha muerto huei a os 56 anyos.

Steve Jobs y un iPhone

Steve Jobs y un iPhone

A interpresa d’a que estio president executivo dica iste zaguer d’agosto, Apple, anunciaba a suya muerte, dimpués d’haber superau un tumor en 2004, y haber recibiu un trasplante de figado en 2009.

Steve Jobs albandono os suyos estudeos ta creyar Apple en una cochera en Mountain View, chunto con Steve Wozniak. En os 80 dixó la interpresa mientres que o mundo instalaba ordinadors con Windows, pero en 1997 en tornó y alazetó o futuro posterior d’a marca, en primeras con os iMac y dimpués con a revolución que suposo a creyación d’os telefonos tactils como l’iPhone, as tablets, como l’iPad, y a vinculación d’a marca a standars de livel.

Jobs dixa un patrimonio de más de 5000 millons de dolars y un mundo en que os dispositivos tactils son presents en a vida cutiana de milentas de presonas.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.