Stop Desafucios Zaragoza enceta una campanya contra o banco UCI-Santander

A plataforma reclama solucions definitivas ta todas as personas afectadas.

Miembros d'a plataforma Stop Desafucios Zaragoza. (Foto: @DesahuciadxsZGZ)

Miembros d’a plataforma Stop Desafucios Zaragoza. (Foto: @DesahuciadxsZGZ)

Ista semana, d’o 15 t’o viernes 19 de setiembre, bi habrá una mesa informativa de maitins y de tardes en a puerta d’o banco UCI situau en o Cuso zaragozano. UCI (Unión de Creditos Immobiliarios), perteneixient a o Banco Santander, “reyaliza practicas que radan a usura y a estafa con os suyos clients hipotecaus”, seguntes declaracions de Stop Desafucios Zaragoza.

Dende a plataforma, en una octavilla que son repartindo, denuncian “clausulas abusivas en as hipotecas; imposición de l’indice hipotecario IRPH (mas alto que no l’Euribor) y declarau abusivo por sentencias chudicials; sinyatura forzosa d’avals y por zaguer a falta d’atención a os afectaus que no pueden fer frent a os pagos d’a hipoteca por causa d’a crisi”.

A plataforma, que en Zaragoza tiene dotze casos con UCI, afirma que “fueras de bella excepción, ye proposando solucions parcials, temporals (…) no permiten a segunda oportunidat que consideramos mereixen as familias afectadas por a crisi, ta no quedar con deuda amás de perder casa suya”.

Dende Stop Desafucios exichen “a dación en pago con extinción total d’a deuda; condonacions totals d’a deuda y no solo que una parte parcial d’a mesma; quitas que guarencien a vida d’o prestamos en casos de restructuración y loguero social en os casos que sía menister” y reclaman “solucions definitivas” ta todas as personas afectadas.

Amás piden difusión “ta que atras afectadas d’UCI puedan unir-se a la plataforma y luitar por os suyos dreitos” ya que “de cabo ta quan ye dificil plegar a la chent y comunicar-se”.

UCI-Santander

O Grupo Santander tiene o 50% d’accions de dita financiera y estió socio fundador de conchunta con BNP Paribas en l’anyo 1996. Amás o Grupo Santander ha eito parte dende un encieto en tot iste proceso y una qüestión que lo contrimuestra ye a obligatoriedat d’ubrir una cuenta en o Banco Santander en contratar a hipoteca.

En os anyos d’extasis immobiliario, o Grupo Santander derivaba a la entidat aquells prestamos d’alto risgo, u bien por a precariedad d’os hipotecants u por a tasa valor de bien hipotecau aplicando unas condicions en a concesión d’o préstamo muit por alto d’as d’o mercau.

Amás, a causa d’a desaparición d’as usinas en gran parte d’o estau espanyol, muitas veces os clients con problemas no podeban resolver-los ya que o servicio d’atención a o client no ye operativo.

Fuent: http://arainfo.org/2014/09/stop-desahucios-zaragoza-inicia-una-campana-contra-el-banco-uci-santander/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.