Stop Desahucios Zaragoza ocupó a siede central d’a CAI/Caja3 en a capital aragonesa

Stop Desahucios realizó una rueda de prensa ahiere de tardes en Zaragoza, y tanimientres bellas personas procedioron a ocupar a siede central d'a CAI

stop-desahucios-CAI-7marzo13

Foto: Stop Desahucios Zaragoza

A plataforma Stop Desahucios Zaragoza heba feito una convocatoria ta una rueda de prensa con os meyos a las 17.00 horas d’ahiere, chueves 7, ta explicar o proceso d’asambleas realizau con as personas afectadas de dita entidat a on mas de 30 familias i participan. En o mesmo han reiterau o suyo compromís con a campanya “I hai vidas en chuego” ta refirmar a tramitación sin retoques d’a ILP por a dación en pago retroactiva, a moratoria de desafucios y loguer social. Mientres que a rueda de prensa se celebraba, arredol de trenta miembros de Stop Desahucios ocupaban a siede central d’a Caja de Ahorros de la Inmaculada (CAI/Caja3) situada en Paseu d’a Independencia d’a capital aragonesa con a intención d’aconseguir l’ature d’os procesos d’execución y una cita con un responsable de Caja3.

Dimpués d’a rueda de prensa, os miembros de Stop Desahucios que se concentraban en plaza d’Espanya, se menoron ta l’edificio d’a entidat bancaria ta unir-se a os suyos companyers, les i acompanyoron bells meyos de comunicación. Una colla aconsiguió dentrar-ie antes que no a Policía espanyola zarrase a dentrada a la resta de miembros, a resta asperoron debant d’as puertas d’a sucursal coreyando consignas de refirme.

En l’interior d’a oficina, a portavoz d’a plataforma Raquel de La Riva declaró: “Dica que no nos confirmen una reunión no nos imos a mover d’aquí. Que sepatz que as demandas que hemos feito son: ature de procedimientos chudicials y que se sienten a negociar con os afectaus d’a CAI, cosa que se nos ye negando en as sucursals”.

O representant de CAI/Caja3 no amostró indicios debant d’as y os portavoces de Stop Desahucios de que a entidat ise a aturar os procesos d’execución hipotecaria que hue tiene ubiertos en os chudgaus de Zaragoza y ufrió una reunión a os presents sin poder guaranciar que ista iba a fer-se. Por ixo a plataforma decidió de continar con una asamblea de Stop Desahucios dica que unidatz d’a Policía espanyola intervinioron desaloixando y identificando a totz os miembros reunius, asinas como a periodistas que cubriban a noticia. Previament os miembros d’a plataforma heban formau un rolde agarrapizaus d’os brazos. Un a un salioron d’a sucursal pacificament alcompanyaus por os chilos d’a resta de personas concentradas en a puerta d’a siede central d’a caixa d’estalbios.

Fuent: http://arainfo.org/2013/03/stop-desahucios-zaragoza-ocupo-la-sede-central-de-la-caja-de-ahorros-de-la-inmaculada-cai-caja3-en-la-capital-aragonesa/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.