S’ubre a sinoga rehabilitada en Uncastiello

A rehabilitación ye aintro d'un plan de recuperación d'o patrimonio chodigo d'a villa

Anvista de Uncastiello (Foto: Luis Villa)Uncastiello ha rematau as obas de rehabilitación d’a sinoga suya. Ista se troba en mel meyo d’o vico chodigo d’o lugar, un d’os millors conservaus d’Aragón, y bien important t’o patrimonio chodigo y aragonés.

L’edificio a on que ye a sinoga estió mercau en 2004 por a Fundación Uncastillo. Os trobos que se o facioron levoron a descubrir que bi habió una sinoga en ixe puesto. Ya se sabeba d’antis más que, a lo menos dende o sieglo XVIII, a l’edificio le deciban “la sinoga” u “la sinagoga”. En excavando-ie, se troboron bells obchetos de orichen chodigo, como una ceramica con a estrela de David. Pero ye, más que más, a estructura arquitectonica meyebal lo que les fació pensar que l’edificio estió una sinoga.

As obras son estadas parti d’un prochecto de recuperación d’a historia y patrimonio chodigos d’Uncastiello y han durau seis anyadas. S’han puesto fer gracias a la iniciativa d’a Fundación Uncastillo y con o refirme d’o Concello d’o lugar y a Diputación Provincial de Zaragoza. A sinoga podrá estar visitada nomás en collas de quince personas acampanyadas por un guida.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.