Sudafrica vieda a etiqueta ‘Made in Israel’ en os productos palestinos

Ye una mida contra a ocupación de territorios palestinos.

Imachen d'un cartel de boicot a os productos israelis

Imachen d’un cartel de boicot a os productos israelis

Sudafrica ha viedau a etiqueta ‘Made in Israel’ (feito en Israel) en os productos procedents d’os territorios palestinos ocupaus. Ye una mida de presión contra os colonos israelis. A iniciativa ye de l’entorno d’o president Jacob Zuma. O Ministerio de Comercio anunció que marcaría con etiquetas os productos fabricaus en Cischordania por a población palestina y por a israeli.Ta aplicar ista decisión, o gubierno sudafricano fa servir una lei de protección a o consumidor de 2008 que imposa un etiquetau d’os biens y productos procedents de territorios ocupaus.

O mes de chulio, o viceministro de Relacions exteriors sudafricano, Marius Fransman, dició que ‘a diplomacia economica puet estar una d’as armas más eficaces ta cambiar a situación palestina’. ‘A nuestra posición politica cuanto a la situación de Palestina ye sin dub¡da marcada por a nuestra propia historia d’opresión y de violacions d’os dreitos humans’, indicó.

 

Fuent: http://noticies.sirius.cat/2012/08/sud-africa-veta-letiqueta-made-in.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.