Suecia: dos semanas de violencia

Continan os disturbios en ciudatz de Suecia. O suyo orichen pareixe estar o creiximiento d'as desigualdatz socials entre ricos y pobres

sueciaFa dos semanas que son ocurrindo incidents graus dentro d’os suburbios d’Estocolmo y d’atras ciudatz de Suecia. Cada día se producen ataques y incendios contra vehíclos y edificios publicos como escuelas, bibliotecas, botigas  y mesmo comisarías de policía.

Os incidents empecipioron en Husby, un suburbio d’Estocolmo a on o 85% d’a población ye immigrant, y se desencadenoron quan a policía mató a un vecín de 69 anyos d’orichen portugués.

Dica o cabo de semana pasau, os incidents s’han multiplicau y pareixe que a policía empecipia a poder controlar-los.

Collas d’entre 50 y 200 ultradreitistas aprofitan ta salir cada nueit y atacar a immigrants, y asinas provocan mas incidents.

A causa ye compleixa, pero cal sinyalar, en primer puesto, o creiximiento accelerau d’as desigualdatz socials dentro d’una sociedat que yera a mas cohesionada d’Europa y que no’n teneba brenca d’ature chovenil. Y cal sinyalar tamién que a extrema dreita s’aprofita d’a qüestión d’a immigración.

O Ministerio de Relacions Exteriors britanico y a embaixada d’os Estaus Unius en Estocolmo han clamau a os suyos ciudadanos ta evitar as zonas calients d’a capital sueca.

Ista violencia ha ubierto un debat en Suecia sobre a integración d’os immigrants, que representan amán d’o 15% d’a población, que se concentran dentro d’os vicos pobres d’as grans ciudatz d’o país y que tienen un indice d’ature mas elevau.

Una informe recient d’a Organización por a Cooperación y o Desembolique Economico (OCDE) adverteba que en Suecia, as diferencias entre pobres y ricos s’heban ixamplau mas que en qualsiquier atro estau europeu, entre 1995 y 2010.

Fuent: http://www.jornalet.com/nova/1884/suecia-doas-setmanas-de-violencias

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.