Suiza apreba en referendum amugar a entrada d’immigrats d’a UE

A Comisión Europea diz que vulnera o prencipio de libre circulación d'as personas

Parlamento suizo. Foto: http://www.parlament.ch

Parlamento suizo. Foto: http://www.parlament.ch

Suiza ha aprebau en referendum amugar a entrada de ciudadanos d’a UE en o suyo mercau laboral, por medio de condutas anyals que s’empecipiarán a aplicar d’aquí a tres anyos. A iniciativa, propuesta por o partiu d’extrema dreita Unión Democratica de Centro y sozmetida a votación, ha estau aprebada con un 50,3% d’os votos, contra un 49,7% que s’han oposau. A participación en o referendum ha estau d’o 56,5%. A conduta de treballadors extranchers s’heba aboliu t’os estaus d’a UE, y agora en Suiza se tornará a instaurar.

Concretament, a iniciativa aprebada proposaba de reintroducir un sistema de condutas d’entrada t’o país, que fixará o gubierno federal suizo, y d’amugar as prestacions y o dreito de reagrupamiento familiar d’os extranchers d’a UE.

A Comisión Europea ya ha lamentau l’aprebación d’ista iniciativa, y ha dito que examinaría qué implicacions puede tener en as relacions entre Suiza y a UE. ‘Isto vulnera o prencipio de libre circulación de personas entre Suiza y a UE‘, ha manifestau l’executivo comunitario.

Fuent: http://www.vilaweb.cat/noticia/4172231/20140209/suissa-aprova-referendum-limitar-lentrada-dimmigrats-ue.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.