Suspenden una charrada sobre o proceso de paz vasco por agresions de neonazis

Bells neonazis se presentoron en a charrada ta mirar de que no se fese plegando a chitar un extintor a los asistens. O rector rebló y ordenó que se suspendese

Un d'os nazis chita un obcheto t'os asistents (Foto: Arainfo)

Un d’os nazis chita un obcheto t’os asistents (Foto: Arainfo)

Una charrada titolada “O nuevo tiempo politico en Euskal Herria”, organizada por a Coordinadora t’o Dialogo y a Negociación d’Aragón, estió suspendida ahiere por o rector dimpués de que una colla de bellas decenas de neonazis se i presentasen ta fer-le boicot.

A charrada yera anunciada a las 19:30 y bell rato antis ya se podeba viyer por os corredors d’a Facultat d’Economicas de Zaragoza bell neonazi. En prencipiar a charrada, se achuntoron debant d’a puerta prebando d’agredir a las personas que bi yeran. Os asistents bloqueyoron a puerta con os suyos cuerpos y empencipió una plevia d’obchetos de man d’os manifestants d’extrema dreita: piedras, bancos y mesmo un exintor y un spray de pimienta que heban vuedau antis contra os asistents a la charrada.

Os neonazis a la fin marchoron ent’as puertas d’a facultat a continar con a protesta y a charrada prencipió. Pasada tasament meya hora, se i presentó lo rector Manuel López, qui estió recibiu con chilos de “¡asesino!” de man d’os faixistas, y qui ordenó cancelar a charrada. Os asistents t’a charrada y os ponents d’a mesma, Oskar Matute (Alternatiba-EH Bildu) y Juan Kruz Aldasoro (Ezker Abertzalea-Sortu), marchoron d’a facultat, pero os incidents no rematoron astí, ya que os neonazis continoron acosando y chitando obchetos t’os asistents t’a charrada por tot lo Paseyo Independencia. A intervención policial autró y identifico a los asistents entre que os neonazis continoron chilando y menazando.

Bells diyas antis l‘Asociación de Victimas d’o Terrorismo (AVT) y o partiu UPyD (Unión, Progreso y Democracia) heban prebau de que se suspendese l’acto con una carta t’o rector que facioron publica. Ana López, portavoz de AVT ha “lamentau fundament” a violencia que bi habió y ha dito que “no son trazas”.

Seguntes informa Arainfo, os neonazis podrían estar vinclaus a la colla ultra d’o futbol Ligallo Fondo Norte. Bellas organziacions como Purna, a Coordinadora Antifaixista de Zaragoza, SOA, Izquierda Anticapitalista de Aragón u Puyalón de Cuchas han condenau istos actos y mesmo han demandau a dimisión de Gustavo Alcalde, delegau d’o gubierno espanyol en Aragón, por “deixar que a policía edixase dentrar a decenas de neonazis en a universidat, estricallando os muebles y agredindo a los asistents”.

Ista tardi bi ha una concentración convocada contra “la agresión faixista y por a libertat d’expresión” a las 18:30 en o Paraninfo d’a Universidat de Zaragoza ta refusar a violencia d’ahiere.

8 Rispuestas a Suspenden una charrada sobre o proceso de paz vasco por agresions de neonazis

  1. A riqueza d’a luenga:

    Castellano: Policia

    Euskera: Txakurra

    Catalan: Gos

    Aragones: Can

  2. Charridunas y Bildutarras, vosotros sois los verdaderos neo-nazis, que apoyáis a unos asesinos que tanto mal han hecho en Aragón y en el resto de España. Para los terroristas no hay libertad de expresión, ya que ellos en sus multitudes asesinatos no han dado oportunidad a las víctimas. Arredol que sale en defensa de los terroristas sóis tal cual.

  3. Chesús: Bildu y Sortu, partidos legalizados por la Audiencia Nacional española, en virtud de los derechos que le asisten, tuvo a bien el aceptar la invitación de un colectivo aragonés para favorecer la normalidad política. Todos los que valiéndose de la fuerza, y porque no comparten una postura política, ahora legal, boicotean con violencia un acto público se retratan como lo que son y como todo el mundo los ha identificado, ponles tu el nombre, Chesús.

  4. os incomodos con Arredol...

    Chesús, como no sabes si a segunda presona d’o plural de indicativo d’o verbo “ser” en castellano s’escribe con tilde u no, la metes una vegada y l’atra no pas, asinas seguro que una la has meso bien.
    Como “para los terroristas no hay libertad de expresión” s’organiza a una colla de chentota ta que imposen a truco d’extintor a lei d’os que “en Aragón y en el resto de España” no quieren uellar enta un nuevo tiempo en Euskal Herria, un tiempo, prou que sí, de paz y de chusticia con TODAS as victimas. Asinas ye como hetz apanyau vusatros os problemas. Si tos deixaran mos puyariatz a un camión y mos pretariatz un tiro en o tozuelo ta enfosar-nos en bell orillo.

  5. aragones fiero

    Una pregunteta.

    ¿Han denunciau os ponentz (Matute y altros) d’a charrada os insultos e intentos d’agresion y agresions consumadas d’ixes hooligans?

    Porque si no lo han denunciau……

  6. Pingback: A vada deixa vuedo o Campus de Sant Francho | AraInfo | Achencia de Noticias d'Aragón

Responder a clau Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.