Suspendida la devantadera d’o curso universitario por as protestas contra Wert y Felipe de Borbón

Qualques asociacions y sindicatos d'estudiants y treballadors heban anunciau protestas

Pancarta en a dentrada d'o Campus de Sant Francisco (Foto: El Ventano)

Pancarta en a dentrada d’o Campus de Sant Francisco (Foto: El Ventano)

A devantadera d’o curso universitario 2013-2014 que se iba a celebrar iste lunes 23 s’ha suspendiu debant d’os posibles incidents que podría provocar a presencia d’o ministro espanyol d’Educación Jose Ignacio Wert, y l’hereu d’a corona espanyola, Felipe de Borbón. A decisión l’ha presa la Universidat de Zaragoza de conchunta con 0 Ministerio d’Educación  “debant d’a certidumbre de alteracions en o mesmo que podesen desecadenar incidents mas grieus”.

A presencia de Wert y o principe yera estada refusada por buena parti d’os estudiants y ya s’heban convocau protestas coincidindo con l’acto de devantadera de man de Marea Verda, CGT y arrienda colectivos d’estudiants y treballadors d’a universidat. Mientres istos diyas as facultatz y os campus heban apareixiu muitos cartels y pancartas en contra d’ista visita, estando la más vistera a que se metió en a puerta d’o campus de Sant Francisco.

Dolores Serrat, consellera d’Educacion, heba demandau iste miercols, debant d’as protestas anunciadas, que istas estasen respetuosas y no se boicotease l’acto. Dende rectorau ya s’heba anunciau a preocupación porque as protestas podesen estar masivas en os zaguers diyas.

O rector ha feito una rueda de prensa ta explicar a decisión, a on que s’ha amostrau preocupau por os posibles incidents que podese haber-ie en caso de fer-se a devantadera. Ha declarau no querer que a universidat tenese una mala imachen y desconoixer si l’acto con Wert y Felipe de Borbón se ferá en belatra universidat.

Una rispuesta a Suspendida la devantadera d’o curso universitario por as protestas contra Wert y Felipe de Borbón

  1. Pingback: Suspendida la devantadera d’o curso universitario por as protestas contra Wert y Felipe de Borbón | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.