Tabaré Vázquez prenerá o relevo de José Mujica y promete no fer burro falso

A izquierda gana por ampla mayoría

Tabaré y Mujica celebran o resultau (Foto: NAIZ)

Tabaré y Mujica celebran o resultau (Foto: NAIZ)

Tabaré Vázquez  ha ganau en a segunda tongada d’a esleccions en Urugauy y será president dende o 1 de marzo de 2015, y ha promeso no fer burro falso a los suyos compatriotas a qui, antimás ha demandau emparo ta gubernar.

O candidato d’a oficialista coalición de izquierda Frente Amplio (FA, Frent Amplo), que yera o favorito ta ganar seguntes todas as enqüestas, ha ganau de traza platera a l’aspirant d’o Partiu Nacional u “blanco”, Luis Lacalle Pou, por bells 12 puntos porcentuals, (53-41%) seguntes as procheccions de qualques interpresas enqüestaderas.

Con o 81,7% d’os 6.048 circuitos escrutaus, Vázquez tien 970.710 votos frent a los 782.498 de Lacalle Pou. Con iste trunfo, o FA, fundau en 1971, ocupará por tercer vegada de contino, lo gubierno nacional. A victoria de Vázquez, de 74 anyadas y que ya estió president entre 2005 y 2010, ye a más ampla dimpués de fer-se una segunda tongada, sistema instaurau en 1996.

Fuent: http://arainfo.org/2014/12/tabare-vazquez-tomara-el-relevo-de-jose-mujica-y-promete-no-defraudar/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.