Tallers d’igualdat de chenero en a Ribera baixa de l’Ebro

O programa se diz "L'amor no ye la hostia" y preba de concienciar a os mas chovens d'a redolada

Os espacios chovens de Quinto, Escatrón y a Zaida fan ista semana tallers d’igualdat de chenero dentro d’o programa “L’amor no ye a hostia”, incluyiu en o programa formativo d’o Servicio de Cultura d’a redolada. O taller se reyalizará o chueves 17 de noviembre a las 18.30 horas en l’Espacio Choven de Quinto, o viernes 18 en l’espacio choven d’Escatrón y o sabado 19 en l’espacio choven d’A Zaida. Tendrá dos horas de duración y será impartiu por profesionals d’a interpresa Embocadura. Os chovens d’atros municipios intresaus en asistir a bella d’as tres sesions d’iste taller pueden comunicar-lo a o monitor d’o suyo espacio choven, que lis facilitará meyo de transporte.

A violencia de chenero suposa a maxima expresión d’una concepción no igualitaria d’as relacions de parella. Una problematica social que sige chenerando unas zifras masiau altas d’afectaus y victimas. Amás, en os zaguers tiempos, educadors y psicologos advierten que, luen d’estar un fenomeno en decadencia, s’ha notau una reviscolada en a concepción desigualitaria que sobre os hombres y mullers tienen os mas chovens.

En o taller s’estudiarán a igualdat y a violencia contra as mullers, os mitos y falsas creyencias sobre l’amor romantico y a violencia contra as mullers, as valors en as relacions de parella y metodos ta prevenir y controlar a violencia.

Fuent: http://zafarache.com/2011/11/14/el-amor-no-es-la-hostia-en-los-espacios-jovenes-de-quinto-escatron-y-la-zaida/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.