Tasament 8000 personas fan servir os Ebrobuses

Manimenos o servicio continará ufrindo-se

Ebrobus (Foto: GuiaocioAragón)Nomas 40.000 personas han feito servir o Ebrobus dende que prencipió a funcionar en 2008. A inversitón municipal adedicada a las gambadas en barco por l’Ebro dica agora (sin contar-ie as infraestructuras) ye estada de cinco millons d’euros y, por ixo, a colla municipal popular desiche que no se malfurrie ni un euro más en os Ebrobuses. Pareix que a intención d’o Gubierno d’a ciudat ye de continar as gambadas en barco pero de fer retalladas en as linias d’autobús urbano.

A tamás d’o poder que ha feito lo Concello, que i ha invertiu cinco millons dica agora, a reyalidat ye que as cifras anyals tasament plegan ta 7000 viachers.

Debant d’ista situación y dimpués de l’anuncio de retalladas en o servicio publico d’autobús de man d’o Gubierno de Zaragoza, a colla municipal popular ha desichiu que no se malfurrie ni un euro más en un servicio que dengún no fa servir”, ha asegurau o conceller popular, Sebastián Contín, en rematar a Comisión de Cultura, Meyo Ambient y Participación Ciudadana d’o Concello.

Contín ha explicau que “Belloch s’encerrina en mantener o servicio” y que, a tamás de que o conseller municipal de Cultura Jerónimo Blasco afirma que ya no bi ha inversiónendrezada a los barco, “se contina gastando diners en esnavesar l’Ebro porque contina habendo-ie dragaus”.

T’os populars, lo más grau ye que “o PSOE s’encerrina en mantener un concieto, entre que anuncia retalladas en o servicio publico de transporte”, ha indicau o conceller. Y ye que ista semana, o vicealcalde d’a ciudat, Fernando Gimeno, ya adelantó que o Concello de Zaragoza no va a poder mantener as alteras subvencions que le da a lo servicio d0autobús. “Si o gasto ye estau de cinco millons, a subvención municipal por cada billet ye de más de 100 euros, entre que la d’o bus ye de 0,26” ha apuntau Sebastián Contín en iste sentiu.

Antimás, a colla municipal popular ha asegurau tener constancia de que se han repartiu paquetz de 200 dentradas t’os Ebrobuses en cualques centros de mayors.

Tamién en o marco d’a comisión de Cultura, Meyo Ambient y Participación Ciudadana, a concellera popular, Patricia Cavero ha anunciau que solicitará en a venient Chunta de Portavoces que as eleccions en os vicos rurals se faigan t’aviento, como ye o costumbre en o Concello de Zaragoza.

Fuent: http://www.aragon2.com/n-14032-3-Ebrobuses_apenas_alcanzan_8000_usuarios

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.