Tastada de platos feitos con crabaza ecolochica

Se ferá una tastada de platos prestos por a Birosta con crabazas de "D'o Campo ta Casa"

Cartel d'a chornadaO venient chueves 24 de noviembre, de 17:00 a 19:00 horas, o bar vechetariano Birosta en a Carrera Universidad de Zaragoza, ferá una tastada de platos feitos con crabazas ecolochicas cullidas de l’hortal de Fraga d’a Cooperativa Del Campo a Casa.

Se i tendrá a oportunidat de tastar os productos de vegada que se i charrará con os agricultors d’a importancia d’o “comercio amanau”, d’os modelos de consumo y d’a virolla en un intercambio de recetas sostenibles. A dentrada ye de baldes dica que no se i culla.

Istas dos entidatz, Birosta y Del Campo a Casa, chunto con Grupo La Veloz Cooperativa, que perteneixen a lo Rete d’Economía Alternativa y Solidaria (REAS), levan cualques anyadas treballando de conchunta ta levar t’as mesas productos ecolochicos y producius amán.

Del Campo a Casa

Son tres agricultors que manullan a tierra de trazas que respetan o entorno y a naturaleza. As suyas traza de cultivar y producir a virolla que consiguen la fan d’a unica traza que entienden iste proceso, sin pesticidas ni fertilizants quimicos, mirando o equilibrio d’a tierra y nutrindo-la con materia organica.

A suya profesion no ye nomás estar productors que venden lo que cultivan y prou. A suya filosofía de vida les mueve a efender os circuitos curtos de mercau, o contacto dreito con a clientalla, o respecto d’o meyo ambient, una participación activa en a luita contra os transchenicos y a esfensa d’a libertat ta esleixir. Un desembolique realment sostenible.

Birosta, bar vechetariano

Antimás de combinar a buena gastronomía y a transformación social, Birosta ye una ferramienta ta espardir o vechetarianismo, a cultura y l’arte. Un bar a on que se puet trobar virolla casera, ecolochica y natural, una ampla variedat de tes, infusions y sucos. Tien tamién café de Comercio Chusto y ufre una alternativa a lo producto estandarizau de cola.

Tamién ye una sala de exposicions a on que cada mes cambea o suyo decorau con obra feitas por artistas emerchents, o bar aculle una d’as siedes d’a Biblioteca Frida Kahlo que se puet fer servir y colaborar en a suya construcción.

Fuent: https://www.diagonalperiodico.net/aragon/Degustacion-de-platos-realizados.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.