TB-Solutions presenta un ERE d’extinción pa la totalidat d’a suya plantilla en Zaragoza

70 personas se veyerán afectadas por o ERE d'extinción en TB-Solutions, en vaga indefinida dende fa 14 días

tb-solutions-zaragoza-300x199O Comité d’Interpresa de TB-Solutions informa que, transcurrius 14 días de vaga indefinida, s’ha convocau a la plantilla, por parte d’o Departamento de Talento (RRHH), iste viernes 16 d’agosto pa comunicar o ERE d’extinción que afectará a toda a plantilla (quasi 70 personas) d’a delegación de Zaragoza.

“Ista ha estau a unica comunicación recibida por parte d’a Dirección d’a Interpresa en relación a la precaria situación de ‘seqüestro laboral‘ a la quala nos tienen sozmesos y en relación a la propia vaga indefinida, que pareixe haber-les importau mas bien poco, sin valurar o perchuicio ya no solament a os propios emplegaus sino a os propios clients (administracions publicas estatals, autonomicas y locals, sector bancario, sector privau, etc.)”, explica o Comité.

Dende o Comité quieren destacar que “ni Gorka Jimenez ni Elena Ducay, como maximos responsables d’a companyía n’han dau explicacions directas, dillá d’os correus electronicos d’Elena Ducay que, dende o mesmo 31 de chuliol con compromís en o SAMA, ha manteniu o discurso que “a semana venient” se comunicaría o ERE, y finalment s’empecipiaría 16 días naturals mas tarde”.

Pa la plantilla, con qualques casos en os quals iste mes d’agosto se computará l’impago de 5 nominas y 2 extras, fendo-ne un total de 7, cada día que se retarde a execución efectiva d’o ERE ye un día mas d’angunia, pero pareixe que a la Dirección d’a interpresa isto no le afecta.

Antiparte, dende o Comité d’Interpresa se lamenta fundament que a unica salida que haiga trobau l’actual Dirección haiga estau o cese d’actividat y a extinción d’a plantilla, ya que o deseu d’o Comité hese estau a continuidat d’as linias de negocio que actualment siguen estando rentables asegurando unas condicions dignas, regularizando o pago d’as nominas pa los emplegaus en activo.

Fuent: http://arainfo.org/2013/08/tb-solutions-presenta-un-ere-de-extincion-para-la-totalidad-de-su-plantilla-en-zaragoza/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.