TEA FM, a Escuela Creyativa de Radio d’o Centro de Tecnolochías Avanzadas, premiada en los Ondas 2012

A emisora de radio d'o Centro de Tecnolochías Avanzadas de Zaragoza de l'INAEM ye estada premiada por o churau d'os 59º Premios Ondas que cada anyada convoca Radio Barcelona d'a Cadena SER en a categoría d'innovación radiofonica

A emisora de TEA FM (Foto: D.Ch.A.)

A emisora de TEA FM (Foto: D.Ch.A.)

A Escuela de Radio TEA FM ye un prochecto formativo de refirme a lo desembolique y innovacion radiofonica que ha ganau un d’os prestichiosos premios Ondas de radio y televisión ta lo que se presentan más de 200 candidaturas de tot lo mundo.

Iste prochecto prencipio a funcionar en 2007 en o Centro de Tecnolochías Avanzadas de l’INAEM, centro de referencia nacional de Imachen y Soniu y ha contau con o refirme d’a Corporación Aragones de Radio y Televisión.

O premio Ondas t’a innovación radiofonica reconoix a faina que TEA FM ha feito mientres istas anyadas, unido l‘emplego eficient d’a tecnolochía con a creyatividat y esmaixinación, recuperando formatos como o radioteyatro y colaborando con escuelas y centros de desembolique creyativo en tot lo mundo.

Dende o suyo prencipio, y dende l’INAEM s’ha feito funcionar un Taller de Radio con cursos asociaus y emisión en vivo, por a on que son pasaus más de 150 alumnos chovens y profesionals que quieren aprender o treballo radiofonico barrachando a creyatividat con as posibilidatz que ufre hue a tecnolochía. Tot isto se concreta en una parrilla de programación con más de 60 programas, microespacios y proposas radiofonicas creyativas de producción propia.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.