Teatro en aragonés t’o diya d’Aragón en Zaragoza

A obra reconta o zaguer diya d'a vida de Chuan de Lanuza

cartelEntre totz os actos que se ferán o 23 d’abril, diya d’o libro y diya d’Aragón, se pueden trobar bellas chicotas referencias a l’aragonés. Pero talment a que más truque o ficacio siga a obra de teatro en aragonés ¿Y agora qué? que se representará o martes a las 19:00 en o Centro Civico Río Ebro, en o vico de l’ACTUR de Zaragoza.

A obra reconta o zaguer diya d’a vida de Chuan V de Lanuza, o mozo, Chusticia d’Aragón en 1591 quan estió asesinau por esfender os fueros d’Aragón. O texto ye basau en a obra escrita por Marcos Zapata “La capilla de Lanuza”, escrita en 1871, encara que ha teniu quantos cambios y adaptacions. Totzs actors y actrices son voluntarios y aficionaus t’o teatro y han participau en o proceso de escritura d’o guión.

A primer representación d’a obra se fació en Casa Lambrote, arredol d’as celebracions d’o 20 d’aviento, cabo d’anyo de l’asesinato de Chuan de Lanuza. Ta ista segunda representación s’ha esleixiu una atra calendata sinyalera t’os aragoneses como ye o diya d’Aragón. A entrada ye de baldes dica emplir l’aforo.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.